शहरमा नयाँ 'नव्य नाचघर' : जहाँ आजदेखि मन्चन हुँदैछ नृत्य नाटक ‘प्रेमारम्भ’

नेपाल फोटो लाईब्रेरी

२१ असार, काठमाडाैं । शहरमा नयाँ 'नव्य नाचघर' संचालनमा आएको  छ । यसअघि स्टुडियो कत्थक, भरत नात्यम, विधामा नृत्य श्रृंखला संचालन गर्दै आएको स्टुडियोले सिनामंगलको नव्य नाचघर संचालनमा ल्याएको छ । 

नेपालमा नृत्य नाटक विधालाई विकसित गर्ने उद्देश्यले एस्थेटिक डान्स स्टुडियोले नव्य नाचघर संचालनमा ल्याएको हो आज देखि मन्चन हुने 'प्रेमारम्भ’नृत्य नाटक सँगै उक्त नाचघर को संचालनमा गरिएको छ ।

स्टुडियोकी संस्थापक एवं निर्देशक नम्रता केसीले स्टुडियोमा ‘पर्फम’मात्र गर्ने भएको तर छुट्टै स्टेज नभएकोले अहिले हामीले यो संचालन मा ल्याएको उनले बताइन् । एस्थेटिक डान्स स्टुडियोसँग हाल करिब २५० जना विद्यार्थी संलग्न छन्। 

प्रशिक्षक पनि १० जना भन्दा बढी छन्। आज देखि हरेक शुक्रबार र शनिवार नाचघरमा मञ्चन हुने  प्रेमारम्भमा प्रकृतिसँग संस्कृति मिसिँदा समाजमा हुने परिवर्तनलाई दर्साउन खोजिएको छ। उनले भनिन्, प्रेमारम्भ भदौ महिना २९ गते सम्म मञ्चन हुनेछ।