एकीकृत समाजवादीले घोषणा गरेका ९३ जना केन्द्रीय सदस्यभित्र अटाएनन् प्रेम आले

२१ असार, काठमाडौं । नेकपा एकीकृत समाजवादीको केन्द्रीय समिति सदस्यमा ९३ जना सर्वसम्मत भएको घोषणा गरेको छ । अब १८ जना पदाधिकारी चयन गर्न बाँकी छ । केन्द्रीय समितिको बैठक भोलि केन्द्रीय कार्यालय आलोकनगरमा बसेर यसबारे निर्णय गर्ने छ । 

उपाध्यक्ष राजेन्द्र पाण्डेका अनुसार २९९ सदस्यीय केन्द्रीय समिति चयन हुनेछ । बाँकी केन्द्रीय सदस्य बढीमा १० दिनभित्र टुंगो लगाइनेछ । यसै बीच महाधिवेशनमा उपस्थित नभएका प्रेम आलेलाई भने केन्द्रीय कमिटीबाट हटाइएको छ । महाधिवेशनबाट ९३ सदस्यीय केन्द्रीय सदस्य घोषणा गर्दा प्रेम आले परेका छैनन् ।

डोटीबाट प्रत्यक्ष निर्वाचित सांसद रहेका आले पार्टीको १० औँ महाधिवेशनमा सहभागी नभएकाले उनलाई केन्द्रीय सदस्यमा नल्याइएको हो । यसअघि आले पोलिटब्युरो सदस्य थिए । नेकपा एसको आज ९३ जनाको नाम घोषणा गरे पनि २९९ सदस्यीय कमिटी बनाउनेछ ।