दार्चुलामा बिहिबारदेखि निरन्तर वर्षा, बाढीपहिरोबाट १६ परिवार बिस्थापित

२१ असार, दार्चुला । दार्चुलामा बाढीपहिरोबाट १६ परिवार विस्थापित भएका छन् । मार्मा गाउँपालिका–४ र ५ का ती परिवार बिस्थापित भएका हुन् । मार्मा हुँदै मुरै गोल्फा सित्तोला जोड्ने सडकबाट खसेको पहिरोका कारण मर्मतीका केही परिवार विस्थापित भएका प्रमुख जिल्ला अधिकारी यज्ञराज जोशीले जानकारी दिए । बाढी घरमा पसेपछि विस्थापित परिवार आफन्त कहाँ आश्रय लिएर बसेका छन् । 

पहिरोबाट विस्थापित भएका ९९ जनालाई सुरक्षित स्थान  लटिनाथ आधारभुत  विद्यालयमा  स्थानान्तरण गरिएको मार्मा गाउँपालिकाका अध्यक्ष जमनसिंह धामीले जानकारी दिए । दार्चुलामा बिहिबार साँझदेखि निरन्तर पानी परिरहेको छ ।