२८ गते अनिर्वाय संसदमा उपस्थित हुन र प्रधानमन्त्रीलाई विश्वासको मत नदिन एमालेको ह्वीप

२६ असार, काठमाडौं । नेकपा एमालेले २८ असारमा बस्ने संसद बैठकमा अनिवार्य उपस्थित भएर विश्वासको मतका लागि प्रधानमन्त्रीले राख्ने प्रस्तावको विपक्षमा मत दिन आफ्ना सांसदहरूलाई ह्वीप जारी गरेको छ । प्रधानमन्त्री प्रचण्डले पर्सि २८ गते विश्वासको मत लिने तयारी गरेका छन् । 

एमाले प्रमुख सचेतक महेश बर्तौलाले प्रधानमन्त्रीले राख्ने प्रस्तावको विपक्षमा मत दिन आफ्ना सांसदहरूलाई ह्वीप जारी गरेका हुन् । नेपाली कांग्रेस र नेकपा एमाले मिलेर सरकार बनाउने सहमति गरेपछि अल्पमतमा परेका प्रधानमन्त्रीले शुक्रबार प्रतिनिधि सभा बैठकमा विश्वासको मत लिने कार्यक्रम छ ।