रसिदबिना रास्वपासँग आर्थिक कारोबार नगर्नूः ढकाल

२६ असार, काठमाडौं । राष्ट्रिय स्वतन्त्र पार्टीका निस्कासित महामन्त्री मुकुल ढकालले पार्टी उपसभापति एवं श्रममन्त्री डीपी अर्यालले पार्टीलाई दिएको पैसा सिधै आफ्नो खल्तीमा राख्ने गरेको आरोप लगाएका छन् । उनले पार्टीसँग रसिदबिना कारोबार नगर्न सदस्यहरुसँग आग्रह गरेका छन् । 

रास्वपामा आर्थिक हिसाबकिताब पारदर्शी नभएको भन्दै उनले को व्यक्तिले कति पैसा दियो ? सामान किनबेचबाट कति प्राप्त भयो क्लियर हिसाव नहुने गरेको बताए । ढकालले रास्वपाभित्र ठूला आर्थिक अपारदर्शिता रहेको उल्लेख गर्दै उपसभापति डीपी अर्यालले साथीहरुले दिएको पैसा पार्टीलाई नदिइकन सिधै आफ्नो खल्तीमा राख्ने गरेको आरोप लगाए । 

ढकालले दुई साताअघि पनि त्यस्तो भएको ताए । कानुनअनुसार पार्टीले ऋण लिन नपाउने प्रावधान रहेको तर, आफूले सम्झाउँदा पनि अर्यालले पार्टीको ऋणको नाममा पैसा कारोबार गर्ने गरेको बताए ।बुधबार दिउँसो पत्रकार सम्मेलन गरेर उनले यस्तो बताएका हुन् ।