न्युरोडमा गल्ली र चोक बन्यो पार्किङ ( फोटो फिचर )

२७ असार, काठमाडौं । काठमाडौं महानगरपालिकाले न्युरोड क्षेत्रका सडकमा गरिने दुईपांग्रा सवारी साधनको पार्किङ हटाएपछि अहिले गल्ली र चोकहरु पार्किङ स्थलको रुपमा परिणत भएका छन् ।
    
विशेष गरी महानगरपालिका भित्र बसन्तपुर दरबार स्क्वायर क्षेत्रका गल्ली, काष्ठमण्डव वरिपरिका क्षेत्र, मारुहिती क्षेत्र अहिले पार्किङ  स्थलै बनेका छन् । त्यस्तै गरि संकटा मन्दिर क्षेत्र पनि पार्किङ  स्थल बनी सकेको छ । 

सांस्कृतिक नगरिको रुपमा परिचित काठमाडौँ महानगरका सम्पदाहरु मोटरबाईक रस्कुटरले छोपिएको छ ।  यसरी गल्ली र चोकहरुमा पार्किङ गर्नाले हिड्ने सर्वसाधरणलाई असत परेकै छ भने नेपाल भ्रमणमा आउने विदेशी पर्यटकले के सन्देश र सूचना लिने हो यस कुरा पनि सम्बन्धित निकायले ध्यान दिन आवश्यक देखिएको छ । 

यसको विकल्पमा महानगरले सुन्धारामा पार्किङको निःशुल्क व्यवस्था गरिदिएको छ तर सुविधाको भोगी हामी नेपालीहरू एक पाइला हिँड्ने चेष्टा समेत गर्दैनौं । तस्विर : नेपाल फोटो लाईब्ररी