नाटोले युक्रेनलाई एफ–१६ लडाकू विमान हस्तान्तरण गर्न सुरु
नेपालबहस संवाददाता
असार २७, २०८१ बिहिबार २२:५:७
२७ असार, काठमाडौं । नाटोको ७५औँ वार्षिकोत्सवको अवसरमा वासिङ्टनमा आयोजित शिखर सम्मेलनमा किएभलाई गठबन्धनमा अन्तिम सदस्यताका लागि वाचा गर्दै सहयोगी राष्ट्रहरूले बुधबार युक्रेनमा एफ–१६ लडाकू जेटहरू हस्तान्तरण गर्न थालेको घोषणा गरेका छन् ।
अमेरिकी राजधानीमा आयोजित तीन दिने सम्मेलनमा राष्ट्रपति जो बाइडेनले पश्चिमलाई भेला गर्ने लक्ष्य राखेका थिए । रुसी राष्ट्रपति भ्लादिमिर पुटिनले युक्रेनमा आक्रमण गरेपछि दुई वर्षमा तीव्र गतिमा बढेको रुसको सैन्य उत्पादनसँग तालमेल राख्न आग्रह गर्नुअघि बाइडेनले गठबन्धनका अन्य ३१ नेतालाई व्यक्तिगत रूपमा वासिङ्टनमा स्वागत गरेका हुन् ।
“हामी नाटो क्षेत्रको हरेक इन्चको रक्षा गर्न सक्छौँ र गर्नेछौँ”, बाइडेनले वासिङ्गटनको सम्मेलन सेन्टरमा गठबन्धनको औपचारिक निर्णय गर्ने निकाय नर्थ एटलान्टिक काउन्सिललाई भने । उनले गत वर्ष किएभलाई दिएको प्रतिज्ञा पूरा गर्दै डेनमार्क र नेदरल्यान्ड्सले अमेरिकी निर्मित एफ–१६ लडाकू जेटहरू युक्रेनमा पठाउन थालेको घोषणा गरेका छन् । यसअघि उहाँले युक्रेनका लागि नयाँ हवाई रक्षा प्रणाली सहायता प्रदान गर्ने घोषणा गरेका थिए ।
अमेरिकी विदेशमन्त्री एन्टोनी ब्लिन्केनले भने, “एफ–१६ हस्तान्तरणले राष्ट्रपति भ्लादिमिर पुटिनको युक्रेनलाई हराउने सोचको अन्त्य गर्नेछ ।” शिखर सम्मेलनको पूर्वसन्ध्यामा रुसले युक्रेनमा मिसाइल आक्रमण गर्दा दर्जनौँको ज्यान गएको थियो । आक्रमणमा किएभस्थित बाल अस्पताल भग्नावशेषमा परिणत भएको थियो ।
बाइडेनले युक्रेनी राष्ट्रपति भोलोदिमर जेलेन्स्कीलाई शिखर सम्मेलनमा आमन्त्रित गरेका थिए । सम्मेलनमा राष्ट्रपति जेलेन्स्कीले एफ–१६ सहायताका लागि कृतज्ञता व्यक्त गरे ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमस्क र मादुरोको वाकयुद्ध: आमने-सामने लडने प्रस्ताव दुवैले स्वीकारे !
साउन १८, २०८१ शुक्रबार
रुस र पश्चिमी देशबीच कैदी आदान प्रदान
साउन १८, २०८१ शुक्रबार
पश्चिमसँग रुसको कैदी सम्झौता अन्तर्गत २६ जना रिहा
साउन १७, २०८१ बिहिबार
गुँडु बनाउँदै तोप चरा
साउन १८, २०८१ शुक्रबार
युएईमा 'नेपाल आईडल विथ स्टेन्डअप कमेडी' हुँदै
साउन १८, २०८१ शुक्रबार
चलचित्र ‘मोदीबेनी’ आजबाट देशभर प्रदर्शनमा
साउन १८, २०८१ शुक्रबार
सुनको मूल्यमा रेकर्ड, १ सयले तोलाको डेढ लाख पुगेन
साउन १८, २०८१ शुक्रबार
घण्टाकर्ण राक्षसको पूजा गर्दै घोराहीका नेवार समुदाय
साउन १८, २०८१ शुक्रबार
शव फेला परेपछि कुकुरको सहयोगमा अनुसन्धान गर्दै प्रहरी
साउन १८, २०८१ शुक्रबार