बाढीपहिरोमा फसेका र दुर्घटनामा परेका नागरिकको उद्धार तथा राहतमा लाग्न कोइरालाको आग्रह

२८ असार, काठमाडौं । नेपाली कांग्रेसका वरिष्ठ नेता डा शेखर कोइरालाले अविरल वर्षपछि आएको बाढीपहिरोमा परेकाहरूको उद्धारमा खटिन तीनै तहका सरकार पार्टीका कार्यकर्तामा आग्रह गरेका छन् । उनले सरकारलाई तत्काल उद्धार टोली खटाएर त्रिशुली नदीमा बेपत्ता बसको खोजी गर्न आग्रह गरेका छन् । साथै पार्टीका नेता कार्यकर्तालाई पनि उद्धार र राहतमा खटिन आग्रह गरेका छन् । 

कोइरालाले सामाजिक सञ्जाल फेसबुक मार्फत बिगत केही दिनदेखि परेको अविरल बर्षा कारण देशका विभिन्न स्थानमा ठूलो जनधनको क्षति भइरहेको भन्दै बाढी–पहिरोमा परि कैयौं नागरिकहरू बेपत्ता भएको सन्दर्भमा पीडितहरुको उद्धार र उनीहरुको व्यवस्थापन तथा बेपत्ताजनको खोजि कार्यमा तीनवटै तहका सरकारले नागरिकलाई अनुभुती हुने गरि काम आग्रह गरेका छन् ।  

प्राकृतिक प्रकोपको यस समयमा उद्धार कार्यमा जुट्न कांग्रेस पार्टीका सबै तहका साथीहरूलाई आग्रह समेत गर्दछु । बाढी–पहिरोमा परि मृत्यु हुनुहुने सबैप्रती भावपुर्ण श्रद्धाञ्जली तथा शोकाकुल परिवारजनमा हार्दिक समवेदना प्रकट गर्दछु, उनले भनेका छन् ।