आइतबारदेखि एमालेका अध्यक्ष केपी ओली प्रधानमन्त्री !
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
असार २९, २०८१ शनिबार ६:४१:३१
२९ असार, काठमाडौं । आइतबारदेखि नेकपा एमालेका अध्यक्ष केपी ओली प्रधानमन्त्री हुने भएका छन्। प्रधानमन्त्री पदमा नियुक्तिको लागि शुक्रबार नै उनले राष्ट्रपति समक्ष दावी पेश गरेका छन्।
राष्ट्रपतिबाट नयाँ सरकार गठनको लागि आह्वान भए लगतै नेपाली कांग्रेसका र एमालेका नेताहरू राष्ट्रपति कार्यालय पुगेका थिए । कांग्रेस सभापति शेर बहादुर देउवा सहित राष्ट्रपति कार्यालय पुगेका एमाले अध्यक्ष ओलीले कांग्रेस र एमालेका १ सय ६५ सासंदहरूको हस्ताक्षर पेश गरेका छन् ।
शीतल निवासमा दाबी पेस गर्न ओलीका साथमा कांग्रेस सभापति शेरबहादुर देउवासँगै एमाले वरिष्ठ उपाध्यक्ष ईश्वर पोखरेल, अर्का उपाध्यक्ष विष्णु पौडेल, कांग्रेस संसदीय दलका प्रमुख सचेतक रमेश लेखक र एमालेका प्रमुख सचेतक महेश बर्तौला सहभागी थिए ।
शीतल निवास स्रोतका अनुसार आइतबार प्रधानमन्त्रीमा ओली नियुक्ति हुनेछन् भने साँझ शपथग्रहण हुनेछ । शपथसँगै कांग्रेस–एमालेले सानो मन्त्रिपरिषद् विस्तारको तयारी गरेका छन् ।
यता कामचलाउ हैसियतमा रहेका प्रधानमन्त्री पुष्पकमल दाहाल भने शुक्रबार नै प्रधानमन्त्रीको सरकारी निवास बालुवाटार छाडेर खुमलटार सरेका छन् । संसदबाट विश्वासको मत गुमाएर पदमुक्त भएसँगै प्रचण्ड आफ्नो निजी निवास खुमलटार पुगेका हुन् । खुमलटारमा उनलाई माओवादी केन्द्रका नेता कार्यकर्ताले स्वागत गरेका थिए ।
प्रधानमन्त्री पुष्पकमल दाहाल प्रचण्डले प्रतिनिधि सभामा विश्वासको मत नपाएसँगै राष्ट्रपति रामचन्द्र पौडेलले संविधानको धारा ७६'२' अनुसार नयाँ सरकार गठनका लागि आइतबार साँझ ५ बजे सम्मको समय दिएर प्रधानमन्त्रीमा दावी पेश गर्न आह्वान गरेका थिए ।
यसअघि प्रतिनिधि सभामा पाँचौँ पटक विश्वासको मत लिने क्रममा बहुमत सिद्ध गर्न नसकेपछि १८ महिने प्रधानमन्त्री पुष्पकमल दाहाल ‘प्रचण्ड’ पदमुक्त भएका हुन्। यस पटक विश्वासको मत लिने क्रममा प्रधानमन्त्रीले ६३ भोट पाए । एक सदस्य तटस्थ बस्दा प्रधानमन्त्री प्रचण्डको विपक्षमा १९४ मत खस्यो। मतदानमा २५८ सांसद सहभागी थिए।
प्रधानमन्त्रीले नेकपा 'माओवादी केन्द्र', राष्ट्रिय स्वतन्त्र पार्टी र नेकपा 'एकीकृत समाजवादी' को मात्र मत पाए। प्रचण्ड पदमुक्त भएसँगै नेकपा 'माओवादी केन्द्र' नौ वर्षपछि प्रमुख प्रतिपक्ष दलको हैसियतमा पुगेको छ।
२०७२ असोज २५ मा नेकपा 'एमाले' का अध्यक्ष केपी शर्मा ओली नेतृत्वको सरकारमा सामेल भएयता माओवादी केन्द्र सत्ताको नेतृत्व साझेदारीमा थियो। २०७७ मा भएको प्रतिनिधि सभा विघटनको छोटो अवधिमा भने माओवादी केन्द्र निकटका केही मन्त्रीहरू सरकारबाट फिर्ता भएका थिए तर एकीकृत दल नेकपाले नै सरकारको नेतृत्व गरेको थियो।
पछिल्लो डेढ वर्षको अवधिमा प्रधानमन्त्री प्रचण्डले एमाले, कांग्रेससँग आलोपालो साझेदारी गरेर सरकारको नेतृत्व गरेका थिए। पाँच पटकमध्ये तीन पटक प्रचण्डले गठबन्धन हेरफेर गरेकै कारण विश्वासको मत लिनुपरेको थियो।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबाढी, पहिरोलगायतका विपदमा परी आजसम्म १६७ जनाको मृत्यु
साउन २३, २०८१ बुधबार
कामतको निधनले शास्त्रीय सङ्गीतका एक चम्किलो प्रतिभा गुमाएका छौं : राष्ट्रपति
साउन २३, २०८१ बुधबार
वन्यजन्तुको आक्रमणबाट ३४ जनाको मृत्यु
साउन २३, २०८१ बुधबार
आजै केही एआईजीको सरुवा तयारी, पाँच बजे मन्त्रिपरिषद बैठक
नेपालबहस संवाददाता
साउन २२, २०८१ मंगलबार
कांग्रेसले तोक्यो ३७ विभाग प्रमुख, को को भए मनोनित ?
नेपालबहस संवाददाता
साउन २१, २०८१ सोमबार
प्रभु बैंकको अर्को झुट, बैंकले पैसा जम्मा गर्दा दिएको रसिद कसरी भयो नक्कली ?
साउन २३, २०८१ बुधबार
जनप्रतिनिधि तथा कर्मचारीकै मिलेमतोमा खानेपानीको नाममा ब्रहमलुट
साउन २३, २०८१ बुधबार
प्रकाशशरण महतलगायतका सांसदलाई शेयरबजारका विषयमा जथाभावी नबोल्न चेतावनी
साउन २३, २०८१ बुधबार
बाढी, पहिरोलगायतका विपदमा परी आजसम्म १६७ जनाको मृत्यु
साउन २३, २०८१ बुधबार
सशस्त्रको आगलागी प्रकरणः एसपीसहित ७ जनालाई कारवाही, ठेकेदारको भुक्तानी अन्यौलमा
साउन २३, २०८१ बुधबार
सुदूरपश्चिम प्रदेशसभाको अधिवेशन अन्त्य
साउन २३, २०८१ बुधबार
डेङ्गु सङ्क्रमणबाट विद्यार्थी बिरामी परेपछि दुई विद्यालय बन्द
साउन २३, २०८१ बुधबार
प्रहरीद्वारा बिलविजक नभएका खाद्य सामग्री बरामद
साउन २३, २०८१ बुधबार
कामतको निधनले शास्त्रीय सङ्गीतका एक चम्किलो प्रतिभा गुमाएका छौं : राष्ट्रपति
साउन २३, २०८१ बुधबार