विर्ता प्रहरी द्वारा १५ लाख मुल्य बराबरको भन्सार छलीका सामान बरामद

३१ असार, वीरगन्ज । वडा प्रहरी कार्यालय विर्ताले भन्सार छली चोरी पैठारी ल्याइएका सामग्री बरामद गरेको छ । सीमावर्ती भारतीय बजारबाट भन्सार राजस्व छली चोरी पैठारी गरी वीरगन्जतर्फ ल्याउँदै गरेको कपडा, कुर्ता सरवाल, मार्किन कपडा, टपस र जुत्ता लगाएतको सामान प्रहरीले बरामद गरेको छ ।

वडा प्रहरी कार्यालय बिर्ताको टोलीले वीरगन्जको विभिन्न स्थानबाट  करिब १५ लाख मूल्य रुपैयाँबराबरको भन्सार छली गरी भित्र्याएको सामान बरामद गरेको वडा प्रहरी कार्यालय विर्ताका प्रहरी प्रमुख प्रहरी निरीक्षक पुष्कर बोगटीले जानकारी दिए ।

प्रहरी निरीक्षक बोगटीका अनुसार बरामद सामग्रीलाई आवश्यक कारवाहीको लागि वीरगञ्ज भन्सार कार्यालयमा बुझाएको छ ।