मन्त्री अधिकारीले १५ दिनभित्र माग सम्बोधन गर्छु भनेपछि मन्त्रालयका कर्मचारीको आन्दोलन स्थगित

२ साउन, काठमाडौं । कृषि तथा पशुपन्छी विकास मन्त्री रामनाथ अधिकारीले १५ दिनभित्र सक्ने जति माग सम्बोधन गर्ने बचन दिएपछि कर्मचारीको आन्दोलन स्थगित भएको छ । उनीहरू मन्त्रालयको प्रवेशद्वारमा गत असार १६ गतेदेखि धर्ना बस्दै आएका थिए । 

१५ दिनभित्र आवश्यक निकासा दिन पहल गर्ने भन्दै कृषिमन्त्री अधिकारीले आश्वासन दिएपछि कृषि प्राविधिक कर्मचारीहरूको आन्दोलन स्थगन भएको हो ।

कृषि मन्त्रालय मातहतका विभिन्न कार्यालयमा कार्यरत तीन सय बढी प्राविधिक कर्मचारीहरू आफ्नो वृत्ति विकास हुन नसकेको भन्दै आन्दोलन सुरु गरेका थिए । कर्मचारीले मन्त्रीको आग्रहमा दुई साताका लागि धर्ना स्थगित गरेको बताएका छन् ।