पानीको उचित निकास नभएर काठमाडौंको मुटुमा रहेको राष्ट्रिय सभागृह जलमग्न

३ साउन, काठमाडौं । काठमाडौंको राष्ट्रिय सभागृह परिसर जलमग्न भएको छ । बिहीबार राति भारी वर्षाका कारण सभागृह परिसर जलमग्न भएको हो । भवन परिसरमा जमेको पानी दुइवटा मोटर लगाएर फाल्ने काम गरिएको छ । 

सभागृह परिसरमा जम्मा भएको पानी पम्पसेट लगाएर तानेर फालिएको हो । मध्यम वर्षामै सभागृह जलमग्न भएको हो । पानीको उचित निकास नहुँदा जम्मा भएर कोठाभित्रै छिर्ने गरेको कर्मचारीहरू बताउँछन् ।

राष्ट्रिय सभागृह काठमाडौं महानगर मातहत छ । यहाँ महानगर प्रमुख बालेन शाह र उपप्रमुख सुनिता डङ्गोलका कार्यकक्ष तथा महानगरपालिकाका केही शाखाहरू छन् । राष्ट्रिय स्तरका कार्यक्रम यस हल हुने गरेका छन् । पानी जमेर कार्यक्रम नै गर्न नमिल्ने बनेको छ ।