१४ वटा औद्योगिक क्षेत्रको वृद्धिदर धनात्मक हुँदा पनि तेस्रो त्रैमासमा खुम्चियो आर्थिक गतिविधि
नेपालबहस संवाददाता
साउन ३, २०८१ बिहिबार १२:१६:३२
३ साउन, काठमाडौं । सरकारले आर्थिक क्षेत्रमा सुधार आएको दावी गरिरहेको अवस्थामा आर्थिक वर्षको तेस्रो त्रैमास आर्थिक बृद्धिका हिसावले तथ खुम्चिएको छ । राष्ट्रिय तथ्यांक कार्यालयले सार्वजनिक गरेको प्रतिवेदनले आर्थिक वर्ष ०८०/८१ को तेस्रो त्रैमासमा आर्थिक गतिविधि खुम्चिएको देखाएको छ ।
तेस्रो त्रैमासमा अर्थतन्त्रका कुल १८ वटा क्षेत्रमध्ये चारवटा ऋणात्मक देखिएका छन् । १४ वटा औद्योगिक क्षेत्रको कुल मूल्य अभिवृद्धि वृद्धिदर धनात्मक छ । तर समग्र सूचक खुम्चिएका छन् । आव ०८०/८१ का अघिल्ला दुई त्रैमास र आव ०७९÷८० को तेस्रो त्रैमासको तुलनामा गत आवको तेस्रो त्रैमासमा आर्थिक वृद्धिदर अझ खस्किएको छ ।
तेस्रो त्रैमासमा आर्थिक वृद्धिदर २.२ प्रतिशत रहेको राष्ट्रिय तथ्यांक कार्यालयको अनुमान छ । जुन आव ०८०/८१ को दोस्रो त्रैमासको तुलनामा १.६ प्रतिशत विन्दु र पहिलो त्रैमासको तुलनामा ०.८ प्रतिशत विन्दुले न्यून हो । आव ०८०/८१ को तेस्रो त्रैमासको यो वृद्धिदर अघिल्लो आव ०७९/८०को तेस्रो त्रैमासको तुलनामा ०.३ प्रतिशत विन्दुले घटेको छ ।
कार्यालयका अनुसार आव ०८०/८१ को पहिलो त्रैमासमा ३ प्रतिशत र दोस्रो त्रैमासमा ३.८ प्रतिशतको आर्थिक वृद्धि भएको अनुमान छ । निर्माण र खानी क्षेत्र अझ बढी ऋणात्मक हुँदा वृद्धिदर खुम्चिएको बताइएको छ । आव ०८०÷८१ को दोस्रो त्रैमासको तुलनामा तेस्रो त्रैमासमा कुल १८ वटामध्ये ४ वटा औद्योगिक क्षेत्रमा आएको संकुचनको प्रभाव समग्र कुल गार्हस्थ्य उत्पादनमा देखिएका कारण अर्थतन्त्रमा सामान्य वृद्धि भएको देखिन्छ ।
तथ्यांक कार्यालयले भने धनात्मक वृद्धिले समग्र अर्थतन्त्र सकारात्मक वृद्धितर्फ उन्मुख रहेको दाबी गरेको छ । यो त्रैमासिकमा अर्थतन्त्रको धनात्मक वृद्धि हुनुमा गहुँ, आलु, नगदे बाली तथा फलफूल उत्पादनमा भएको वृद्धि तथा पर्यटन आगमनमा भएको वृद्धिसँगै होटेल क्षेत्रको कुल मूल्य अभिवृद्धिमा भएको बढोत्तरी प्रमुख कारक रहेका छन् । अन्य क्षेत्रहरूको धनात्मक वृद्धिले गर्दा समग्र अर्थतन्त्र सकारात्मक वृद्धितर्फ उन्मुख रहेको हो, प्रतिवेदनमा भनिएको छ ।
अर्थतन्त्रका कुल १८ वटा क्षेत्रमध्ये चारवटा ऋणात्मक हुँदा १४ वटा औद्योगिक क्षेत्रको कुल मूल्य अभिवृद्धि वृद्धिदर भने धनात्मक देखिन्नछ । जसमध्ये विद्युत् तथा ग्यास उद्योगसँग सम्बन्धित क्रियाकलापको वृद्धिदर सबैभन्दा धेरै अर्थात् ३७.१ प्रतिशत रहेको छ । आवास तथा भोजन सेवाको वृद्धिदर १९.१ प्रतिशत, यातायात तथा भण्डारण क्षेत्रको १५.० प्रतिशत र अन्य सेवाका क्रियाकलापहरू (कला, मनोरञ्जनलगायतका क्रियाकलाप) को वृद्धिदर ८.३ प्रतिशत रहेको कार्यालयले उल्लेख गरेको छ । निक्षेप तथा कर्जामा भएको वृद्धिसँगै वित्तीय तथा बिमासेवाको वृद्धिदर ६.१ प्रतिशत भएको कार्यालयको विश्लेषण छ ।
यस अवधिमा सबैभन्दा बढी ऋणात्मक वृद्धिदर निर्माण क्षेत्रको ११.२ प्रतिशत हुने कार्यालयको अनुमान छ । खानी तथा उत्खनन क्षेत्रको वृद्धिदर ४.८ प्रतिशतले, उत्पादन क्षेत्रको वृद्धिदर २ प्रतिशतले र होलसेल तथा खुद्रा व्यापारको वृद्धिदर २.७ प्रतिशतले ऋणात्मक रहेको छ । आव ०८०÷८१ को ११ महिनामा नेपालको चालू खाता दुई खर्ब ३९ करोडले बचतमा छ ।
समीक्षा अवधिमा शोधनान्तर स्थिति चार खर्ब २५ अर्ब ६७ करोडले बचतमा छ । विदेशी विनिमय सञ्चिति १९ खर्ब ६७ अर्ब पुगेको छ, जसले साढे १२ महिनाको वस्तु तथा सेवाको आयात धान्न सक्छ । अर्थतन्त्र रेमिट्यान्स र आयातमा आधारित भएकाले आयात बढेको भए अर्थतन्त्रको बाह्य क्षेत्र यति बलियो सम्भावना थियो । खासगरी पुँजीगत खर्च कमजोर हुँदा आन्तरिक अर्थतन्त्र कमजोर हुन पुगेको अनुमान छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपविश्वव्यापी सार्वजनिक ऋण यस वर्ष एक सय ट्रिलियन डलर पुग्नसक्ने चेतावनी
असोज २९, २०८१ मंगलबार
दशैंमा मुस्ताङमा १६ करोड बराबरको भेडाच्याङग्राको व्यापार
असोज २९, २०८१ मंगलबार
उच्चस्तरीय आर्थिक क्षेत्र सुधार सुझाव आयोगका पदाधिकारीलाई नियुक्ति पत्र प्रदान
असोज २३, २०८१ बुधबार
इन्सपेक्टर शाही पक्राउ प्रकरणमा किन जोडिदैछन् एसपी थापा ?
नेपालबहस संवाददाता
कात्तिक १, २०८१ बिहिबार
भारतीय फिल्मी शैलीमा आए, गिरीमाथि आक्रमण गरे
नेपालबहस संवाददाता
असोज ३०, २०८१ बुधबार
इन्सपेक्टर शाही पक्राउ प्रकरणमा किन जोडिदैछन् एसपी थापा ?
कात्तिक १, २०८१ बिहिबार
चिन्तामा प्रधानमन्त्री ओली, तीन महिना नपुग्दै कसले चलायो दुई तिहाइको सरकार ढल्ने हल्ला ?
कात्तिक १, २०८१ बिहिबार
भ्रष्टाचारी ठहर भएकाले दिएको दान लिनु पनि भ्रष्टाचार हो भन्दै ओलीविरुद्ध अख्तियारमा पर्यो मुद्दा
कात्तिक १, २०८१ बिहिबार
१०० दिन नपुग्दै प्रतिपक्षी दलहरूको सरकारविरुद्ध मोर्चाबन्दी, प्रचण्डको अग्रसरतामा बैठक
कात्तिक २, २०८१ शुक्रबार
पाइप बिछ्याउन कुलेखानी-फाखेल र सिस्नेरी-दक्षिणकाली सडक तीन दिन बन्द हुने
कात्तिक २, २०८१ शुक्रबार
टी-२० आई खेलमा नेपाको विजयी शुरुवात, घरेलु टोली अमेरिका १७ रनले पराजित
कात्तिक २, २०८१ शुक्रबार
नेपालले अमेरिकालाई दियो १६५ रनको लक्ष्य
कात्तिक २, २०८१ शुक्रबार
ऐतिहासिक सराँय नाचले गुल्मीका शक्तिपीठ भरिभराउ
कात्तिक २, २०८१ शुक्रबार
वेस्ट इन्डिजविरुद्धको टी- २० सिरिजमा श्रीलंका २-१ ले विजयी
कात्तिक २, २०८१ शुक्रबार