अर्थसहित चार मन्त्रालय पाएपछि मधेश सरकारमा जान तयार भयो कांग्रेस

३ साउन, जनकपुरधाम । पहिले भएको सहमति अनुसार अर्थ मन्त्रालयसहित चार मन्त्रालय पाएपछि मधेश सरकारमा नेपाली कांग्रेस सहभागी हुने भएको छ । कांग्रेसका सांसद सुनिल यादव अर्थमन्त्री बन्ने भएका छन् । विवादका कारण लामो समयदेखि मधेश सरकार विस्तार हुन सकेको थिए ।  

कांग्रेसबाट जनार्दन सिंह क्षेत्री भूमि व्यवस्था, कृषि तथा सहकारी मन्त्री, शेष नारायण यादव उर्जा, सिचाई तथा खानेपानी मन्त्री र कौशल किशोर राय श्रम तथा यातायात मन्त्री हुने भएका छन् । मुख्यमन्त्री सतिश कुमार सिंहले अर्थ मन्त्रालय आफ्नो पार्टीले राख्ने अडान राखेपछि कांग्रेस सरकारमा सहभागी हुन चाहेका थिएन् । 

कांग्रेस मधेशका प्रमुख सचेतक कुमरकान्त झाले मधेश सरकारलाई दिएको समर्थन फिर्ता लिने चेतावनी दिएका थिए । अब मुख्यमन्त्री सिंहले कांग्रेसका मन्त्री नियूक्त गर्ने तयारी गरेका छन् ।