शुक्रबार मौद्रिक नीति पारित गर्न राष्ट्र बैंकले बोलायो सञ्चालक समिति

३ साउन, काठमाडौं । नेपाल राष्ट्र बैंकले भोली शुक्रबार आगामी आर्थिक वर्षको मौद्रिक नीति सार्वजनिक गर्ने तयारी गरेको छ । यसबारे छलफल गर्न शुक्रबार बिहान ८ बजे सञ्चालक समितिको बैठक बोलाइएको छ । मौद्रिक नीति पारित गर्न बैठक बोलाइएको हो । 

बजेटपछि राष्ट्र बैंकले आर्थिक वर्ष ०८१/८२ को मौद्रिक नीति सार्वजनिक गर्न लागिएको हो । गभर्नर महाप्रसाद अधिकारीको कार्यकालको यो अन्तिम मौद्रिक नीति हुनेछ । अर्थतन्त्र शिथिल बनिरहेको र बैंक तथा वित्तीय संस्थाबाट पुँजी प्रवाह नभइरहेको अवस्थामा मौद्रिक नीतिले कस्तो कार्यदिशा लिन्छ भन्ने व्यवसायीहरूले चासो लिएका छन् ।