मधेश सरकारमा कांग्रेसका ४ मन्त्री नियुक्त

३ साउन, जनकपुरधाम । मधेश सरकारमा अर्थसहित चार मन्त्रालय लिएर नेपाली कांग्रेस सरकारमा सहभागी भएको छ । कांग्रेसका सांसद सुनिल कुमार यादव अर्थमन्त्री नियुक्त भएका छन् । यादव रौतहट क्षेत्र नम्बर ३ को २ बाट निर्वाचित सांसद हुन् ।

त्यसैगरी सांसद जनार्दन सिंह क्षेत्री भूमि व्यवस्था, कृषि तथा सहकारी मन्त्री, शेष नारायण यादव उर्जा, सिँचाई तथा खानेपानी मन्त्री र कौशल किशोर राय श्रम तथा यातायात मन्त्री नियुक्त भएका छन् । नवनियुक्त मन्त्रीहरू शपथग्रहणका लागि मधेश भवन पुगेका छन् ।