वर्षमा १ खर्ब ३४ अर्ब थपिएर २४ खर्ब ३३ अर्ब नाघ्यो नेपालको सार्वजनिक ऋण
नेपालबहस संवाददाता
साउन ४, २०८१ शुक्रबार १६:४५:१६
४ साउन, काठमाडौं । एक वर्षमा १ खर्ब ३४ अर्ब ६८ करोड बढेर नेपालको सार्वजनिक ऋण २४ खर्ब ३३ अर्बभन्दा माथि पुगेको छ । सार्वजनिक ऋण व्यवस्थापन कार्यालयका अनुसार गत वर्ष ऋणको साँवा र ब्याज गरेर ३ खर्ब तिरिसकेको अवस्थामा २४ खर्ब ३३ अर्ब पुगेको हो । तथ्याङ्कअनुसार अघिल्लो आर्थिक वर्ष २०७९/८० मा सरकारको ऋण २२ खर्ब ९९ अर्ब थियो ।
सरकारले एक वर्षको अवधिमा सार्वजनिक ऋणको सावाँ–ब्याज भुक्तानीमा ३ खर्ब ५ अर्ब ७१ लाख खर्च गरेको छ । यस आवमा सावाँ ब्याज भुक्तानीमा ३ खर्ब ३० अर्ब खर्च हुने अनुमान गरिएको थियो । असारसम्म लक्ष्यको ९२.५४ प्रतिशत खर्च भएको छ । एक वर्षमा कुल गार्हस्थ उत्पादनको ५.३५ प्रतिशत रकम ऋण तिर्न खर्च भइरहेको तथ्याङ्कमा देखिन्छ ।
आन्तरिक ऋणको सावाँ भुक्तानीमा १ खर्ब ८२ अर्ब ६२ करोड खर्च गरेको छ । आन्तरिक ऋणको ब्याज भुक्तानीमा ४९ अर्ब ९८ करोड खर्च भएको छ भने बाह्य ऋणको सावाँ भुक्तानीमा ४० अर्ब ७२ करोड र ब्याज भुक्तानीमा ९ अर्ब २६ करोड भएको छ । यसप्रकार एक वर्षमा कुल सावाँ भुक्तानी २ खर्ब २३ अर्ब र ब्याज भुक्तानी ८२ अर्ब ३ करोड रुपैयाँ बराबर भएको छ ।
२०७९/८० सम्म प्रतिव्यक्ति ऋण दायित्व ७८ हजार ८४० रहेको थियो । एक वर्षको अवधिमा प्रतिव्यक्ति ऋण भार नै ४ हजार ५९१ बढ्न पुगेको छ । पछिल्लो एक वर्षमा सरकारले कुल ३ खर्ब ५८ अर्ब ऋण लिएको छ । आर्थिक वर्ष २०८०/८१ मा यस्तो ऋणमा सरकारले आन्तरिक र बाह्य गरी कुल ३ खर्ब ५८ अर्ब उठाएको थियो । यस्तो ऋणमा २ खर्ब ३४ अर्ब आन्तरिक ऋण र १ खर्ब २३ अर्ब बाह्य ऋण रहेको छ ।
सरकारले लिएको यस्तो ऋणमा आन्तरिकको लागि मात्रै २ खर्ब ५५ अर्ब भुक्तानी गरेको छ । यस्तो ऋण भुक्तानीमा १ खर्ब ८२ अर्ब साँवा र ७२ अर्ब ब्याज भुक्तानी गरेको छ । सरकारले लिएको अहिलेसम्मको ऋण कुल ग्राहस्थ्य उत्पादन (जीडीपी)का ४२.६५ प्रतिशत पुगेको छ । यो ऋण रकममा आन्तरिक ऋण जीडीपीको २०.४७ र बाह्य ऋण २१.९५ प्रतिशत पुगेको छ ।
सरकारले गत वर्ष सार्वजनिक ऋण भुक्तानी गर्न मात्रै ३ खर्ब ३० अर्ब वार्षिक बजेट विनियोजन गरेको थियो । यस्तो रकमबाट सरकारले ३ खर्ब ५ अर्ब ऋण तिर्न मै खर्च गरेको छ । सरकारले विकास खर्च लक्ष्य अनुसार गर्न नसक्ने भएपनि वार्षिक बजेट विनियोजन गरेकै हाराहारीमा ऋणको रकम भने तिरेको छ । सरकारले गत वर्ष लिएको ऋण जीडीपीको ५.३५ प्रतिशत हो । कुल गार्हस्थ उत्पादनमा सार्वजनिक ऋणको अनुपात पछिल्लो १० वर्षमा उतारचढाव पूर्ण हुँदै आएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपतीन महिनाको खर्च र आम्दानी: निर्माण व्यवसायी र दुग्ध किसानको रकम भुक्तानी गर्दा खर्चमा देखियो सुधार
कात्तिक २, २०८१ शुक्रबार
विश्वव्यापी सार्वजनिक ऋण यस वर्ष एक सय ट्रिलियन डलर पुग्नसक्ने चेतावनी
असोज २९, २०८१ मंगलबार
दशैंमा मुस्ताङमा १६ करोड बराबरको भेडाच्याङग्राको व्यापार
असोज २९, २०८१ मंगलबार
इन्सपेक्टर शाही पक्राउ प्रकरणमा किन जोडिदैछन् एसपी थापा ?
नेपालबहस संवाददाता
कात्तिक १, २०८१ बिहिबार
भारतीय फिल्मी शैलीमा आए, गिरीमाथि आक्रमण गरे
नेपालबहस संवाददाता
असोज ३०, २०८१ बुधबार
इन्सपेक्टर शाही पक्राउ प्रकरणमा किन जोडिदैछन् एसपी थापा ?
कात्तिक १, २०८१ बिहिबार
चिन्तामा प्रधानमन्त्री ओली, तीन महिना नपुग्दै कसले चलायो दुई तिहाइको सरकार ढल्ने हल्ला ?
कात्तिक १, २०८१ बिहिबार
भ्रष्टाचारी ठहर भएकाले दिएको दान लिनु पनि भ्रष्टाचार हो भन्दै ओलीविरुद्ध अख्तियारमा पर्यो मुद्दा
कात्तिक १, २०८१ बिहिबार
तीन महिनाको खर्च र आम्दानी: निर्माण व्यवसायी र दुग्ध किसानको रकम भुक्तानी गर्दा खर्चमा देखियो सुधार
कात्तिक २, २०८१ शुक्रबार
१०० दिन नपुग्दै प्रतिपक्षी दलहरूको सरकारविरुद्ध मोर्चाबन्दी, प्रचण्डको अग्रसरतामा बैठक
कात्तिक २, २०८१ शुक्रबार
पाइप बिछ्याउन कुलेखानी-फाखेल र सिस्नेरी-दक्षिणकाली सडक तीन दिन बन्द हुने
कात्तिक २, २०८१ शुक्रबार
टी-२० आई खेलमा नेपाको विजयी शुरुवात, घरेलु टोली अमेरिका १७ रनले पराजित
कात्तिक २, २०८१ शुक्रबार
नेपालले अमेरिकालाई दियो १६५ रनको लक्ष्य
कात्तिक २, २०८१ शुक्रबार
ऐतिहासिक सराँय नाचले गुल्मीका शक्तिपीठ भरिभराउ
कात्तिक २, २०८१ शुक्रबार