महिला कपमा युएई पराजित, नेपालको उत्कृष्ट सुरूवात

४ साउन, काठमाडौं  । एसीसी महिला एसिया कपमा नेपालले युएईलाई ६ विकेटले हराएको छ । श्रीलंकाको धम्बुलामा शुक्रबार भएको खेलमा नेपालले युएईलाई हराएको हो । युएईले दिएको ११६ रनको लक्ष्य नेपालले १६.१ ओभरमा सजिलै पूरा गर्यो ।

नेपालका लागि सम्झना खड्काले विष्फोटक ब्याटिङ गरेपछि नेपालले जित सुनिश्चित गरेको हो । खड्काले सर्वाधिक ७२ रन बनाइन् । ४५ बलमा उनले ११ चौका प्रहार गर्दै अविजित रहिन् । उनले वुमन एसिया कपमा अर्धशतक पुरा गरिन् । 

युएईले दिएको ११६ रनको लक्ष्य पछ्याएको नेपालका लागि खड्काले ३५ बलमा अर्धशतक पुरा गरेकी हुन् । उनले ८ चौकाको मद्दतमा अर्धशतक गरेकी हुन् । सम्झनाको अर्धशतकमा युएईमाथि नेपालको उत्कृष्ट जित निकाल्यो । 
 
शुक्रबार युएईले दिएको ११६ रनको लक्ष्य नेपालले १६.१ ओभरमा ४ विकेटको क्षतिमा पूरा गर्याे । पूजा महतो ७ रनमा नटआउट रहिन् । अर्की ओपनर सीता रानामगर ७ रनमा आउँदा कविता कुँवरले २ रन मात्र जोड्न सकिन्। कप्तान इन्दु वर्मा ६ रनमा आउट हुँदा रुविना क्षेत्री १० रनमा बोल्ड भइन् ।