फुटपाथ विस्तारले न्यूरोड क्षेत्रमा तनाव बढ्दै, बालेनको पुत्ला दहन

४ साउन, काठमाडौं । काठमाडौं महानगरपालिकाकाले फुटपाथ विस्तारको कामलाई अघि बढाएको भन्दै न्यूरोडका स्थानीयबासीले मेयर बालेन्द्र शाह (बालेन)को पुत्ला दहन गरेका छन् । शुक्रबार साँझ स्थानीयबासीले विरोध स्वरुप न्यूरोडमा मेयर बालनेको पुत्ला जलाएका हुन् । दिउँसो महानगरपालिकाले फुटपाथ विस्तारका लागि डोजर पठाएपछि विरोधमा उत्रिएका स्थानीयबासी र नगर प्रहरीबीच धकेलाधकेल भएको थियो ।

उच्च अदालतले महानगरको पक्षमा फैसला गरेपछि महानगरले डोजरसहित फुटपाथ विस्तारमा फर्केको थियो । त्यसको विरोधमा स्थानीयले प्रदर्शन गरेका छन् । साथै उनीहरुले सडकमै टेन्ट लगाएर बसेका छन् । न्यूरोडस्थित जुद्ध शालिकदेखि इन्द्रचोकसम्म फुटपाथ विस्तार योजनाले तनाव बढाउँदै लगेको छ।