वडा नम्बर २२ का अध्यक्ष चिनकाजीले सडकबाटै गर्न थाले वडाका सेवाग्राहीको काम

६ साउन, काठमाडौं । काठमाडौं महानगरपालिकाको वडा नम्बर २२ का वडाध्यक्ष चीनकाजी महर्जनले सडकमा टेबुल कुर्सी राखेर वडाको काम सुरु गरेका छन् । २२ नम्बर वडा कार्यालयले न्युरोडको सडकबाटै सेवा दिइरहेको छ । उनी टेबल र कुर्सी बोकेर फुटपाथ विस्तार क्षेत्रमा बसेका छन् ।  

महानगरपालिकाले फुटपाथ विस्तार गर्न सडक खन्न थालेपछि त्यसको विरोधमा उत्रिएका वडाअध्यक्ष महर्जनले सडकमै पाल टाँगेर काम काम सुरु गरे । महानगरपालिकाले जबर्जस्ती फुटपाथ विस्तार गर्न खोजेपछि वडा कार्यालय नै सडकबाट सञ्चालन गर्न लागेको उनले बताए । 

२२ नम्बर वडाका वडाध्यक्ष महर्जनले महानगरले न्युरोड फुटपाथ विस्तार गर्ने निर्णय फिर्ता नलिएसम्म वडाको काम सडकबाट गर्ने भन्दै सडकबाटै काम थालेका हुन् । उनी विवाद नमिलेसम्म सडकमै बस्ने भएका छन्