लागुऔषधबाट युवालाई जोगाउन फुटबल प्रशिक्षण
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
साउन ६, २०८१ आइतबार १५:५०:१२
![](https://nepalbahas.prixacdn.net/media/albums/football_eGsJPPnUcn_1K7JKqOHHK.jpg)
६ साउन, कैलाली । कैलालीको टीकापुरका गजेन्द्र शाही फुटबल खेलाडीमा निकै परिचित नाम हो । राष्ट्रिय फुटबल टोलीका पूर्वखेलाडीसमेत रहेका उनलाई टीकापुर क्षेत्रलाई चिनाउने व्यक्तिमध्ये एक मानिन्छ । अन्य थुप्रै लिगमा सहभागी भएर लिगको उपाधिसमेत दिलाउन सफल गजेन्द्र खेलकुद अनुशासनको एउटा पाठशाला भएको बताउछन् ।
“हामीमा सबैभन्दा पहिले चाहिने भनेको आत्मविश्वास र अनुशासन हो, जुन कुरा खेल क्षेत्रमा राम्रोसँग सिक्न पाइन्छ”, उनी भन्छन्, “आत्मविश्वास र अनुशासन भएको व्यक्ति खेलकुद क्षेत्रमा मात्रै नभई हरेक क्षेत्रमा सफल हुनसक्छ ।” सक्रिय खेल जीवनबाट बिदा लिइसकेका गजेन्द्र यतिबेला स्थानीय क्षेत्रमा खेलाडी उत्पादनको काममा लागेको छ ।
फोर्टिन जिआर एकेडेमीमार्फत एक सय ५० बालबालिकालाई उनले फुटबलको प्रशिक्षण गराउँदै आएको छ । उनको उद्देश्य समाज लागुऔषधका कारण आक्रान्त बन्दै दिनप्रतिदिन युवाहरू कुलतमा फस्दै गएको अवस्थामा खेलकुदका माध्यमबाट त्यस्ता कुलतमा लागेका र जोखिममा रहेका युवालाई बाहिर ल्याउने रहेको छ ।
“व्यक्तिगत जीवनसँगै समाजका लागि केही राम्रो काम गर्ने दायित्व सबैमा हुनुपर्छ, आज जति पनि खेलाडी उत्पादन भएका छन् ती ग्रासरुटबाटै उत्पादन भएको पाइन्छ”, उनले भने, “अर्कोतिर साथी सङ्गतिको कारण कुलत तथा अन्य आपराधिक क्रियाकलापमा फस्न सक्ने सम्भावनालाई खेलकुदका क्षेत्रबाट कम गर्ने प्रयास गरेका छौँ ।”
खेलाडी उत्पादनका क्षेत्रमा भएको प्रयासलाई राम्रो कामको सुरुआत भएको बताइएको छ । खासगरी युवा तथा वयस्कहरु लागुऔषध दुर्व्यसनीमा फस्दै गएका बेला उनीहरुलाई त्यो गलत बाटो बिर्सेर नयाँ जीवनको सुरुआत गर्ने क्षेत्र खेलकुद बन्न सक्ने सुदूरपश्चिम नीति तथा योजना आयोगका सदस्य प्राध्यापक डा. जगतबहादुर रावल बताउँछन् ।
“खेल क्षेत्र अनुशासनको एउटा महत्वपूर्ण पाठशाला हो, जहाँ सम्भावनासँगै असल व्यक्तित्व निर्माण गर्न सकिन्छ”, उनले भने, “अर्कोतिर लागुऔषध दुव्र्यसनीबाट बच्नका लागि खेलकुद क्षेत्र समाजकै उपलब्धिको स्रोत बन्न सक्छ ।”
लागुऔषध दुव्र्यसनी लगायत आपराधिक गतिविधिका कारण समाज जटिल अवस्थामा पुगेको भन्दै त्यसलाई सामान्य अवस्थामा ल्याउन खेलकुद क्षेत्र महत्वपूर्ण माध्यम हुने नेपाल पत्रकार महासङ्घ सुदूरपश्चिम प्रदेश अध्यक्ष योगेश रावल बताउँछन् । उनले खेलकुद क्षेत्रमा राज्यको लगानी हुनुपर्नेमा पनि जोड दिए ।
अनुशासन र कडा परिश्रमले मात्रै उत्कृष्ट खेलाडीको जन्म हुने स्थानीय समाजसेवी राजकुमार हमाल बताउँछन् । “हाम्रो समाजमा दिनप्रतिदिन सुधार केन्द्र थपिँदै गएका छन्, यसलाई शुभ संकेत मान्न सकिँदैन”, उनी भन्छन्, “ जसरी सुधार केन्द्र थपिँदै गएका छन्, त्यसैगरी खेलकुदका गतिविधि थपिँदै जानुपर्छ, जसले युवा तथा वयस्क अझै भनौँ अब आउने पुस्तालाई सहि मार्गमा डो¥याउन सकियोस् ।”
इलाका प्रहरी कार्यालय टीकापुरको तथ्यांकले पनि सबैभन्दा बढी मुद्दा दर्ता लागुऔषधमा भएको देखाएको छ । पछिल्लो तीन वर्षयता वार्षिक ४० भन्दा बढी मुद्दा लागुऔषधमा दर्ता भएको प्रहरी प्रमुख प्रहरी नायब उपरीक्षक विश्वराज अधिकारीले बताए । टीकापुर क्षेत्रमा खेलाडी उत्पादनका लागि गरिएको प्रयासले निकट भविश्यमा थुप्रै सम्भावना बोकेका खेलाडी राष्ट्रले पाउने विश्वास गरिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमहिला लिग फुटबल : चन्द्रपुर र कर्णाली प्रदेशबीचको खेल बराबरी
भदौ १८, २०८१ मंगलबार
गोलकिपर अञ्जिला युरोपियन लिगमा आबद्ध
भदौ १८, २०८१ मंगलबार
उरुग्वेका फुटबलर स्वरेजको अन्तर्राष्ट्रिय फुटबलबाट सन्यास
भदौ १८, २०८१ मंगलबार
रास्वपाका सभापति रविविरुद्ध दोहोरो राहदानीको मुद्दा व्यूतिदैछ कि ?
नेपालबहस संवाददाता
भदौ १९, २०८१ बुधबार
अर्थ मन्त्रालयमा पठाइयो सशस्त्र प्रहरीसम्बन्धी विधेयक
भदौ २१, २०८१ शुक्रबार
पहिलो पटक नेपाल टेलिकमको नेतृत्वमा महिला, प्रबन्ध निर्देशकमा पहाडी नियुक्त
भदौ २१, २०८१ शुक्रबार
रनवेमा अपाउनु पर्ने गति र तौलको सम्भावित असन्तुलनका कारण सौर्यको जहाज दुर्घटना
भदौ २१, २०८१ शुक्रबार
आठ वर्षमा पनि सकिएन काम, एक महिनाभित्र सक्न निर्देशन
भदौ २१, २०८१ शुक्रबार
सामाजिक सञ्जालको पहुँचले नागरिकको मौलिक अधिकार सुदृढ तुल्याउँछः सञ्चारमन्त्री गुरुङ
भदौ २१, २०८१ शुक्रबार
‘पर्यटन क्षेत्रको विकासबाटै गण्डकीको समृद्धि’
भदौ २१, २०८१ शुक्रबार
धनुषामा डुबेर बेपत्ता व्यक्तिको शव फेला
भदौ २१, २०८१ शुक्रबार
जापानिज इन्सेफ्लाइटिस सङ्क्रमणको जोखिम उच्च, सतर्कता अपनाउन आग्रह
भदौ २१, २०८१ शुक्रबार
तोड्नुपर्ने ठेक्का नतोड्ने र नतोड्नुपर्ने ठेक्का तोड्ने काम नहोस् : प्रधानमन्त्री ओली
भदौ २१, २०८१ शुक्रबार