डेढ लाख नगद र साढे ४ लाखको चेकसहित क्यान्सर अस्पतालकी लेखा अधिकृत कोइराला पक्राउ

६ साउन, चितवन । अख्तियार दुरुपयोग अनुसन्धान आयोगको टोलीले चितवनको भरतपुरस्थित बीपी कोइराला मेमोरियल क्यान्सर अस्पतालकी लेखा अधिकृत अमृता कोइरालालाई घुससहित पक्राउ गरेको छ । अख्तियारको हेटौंडा टोलीले उनलाई १ लाख ५० हजार नगद र ४ लाख ५० हजारको चेकसहित पक्राउ गरेको हो ।

औषधि आपूर्तिकर्तालाई रकम भुक्तानी दिएबापत कोइरालाले घुस मागेको र आपूर्तिकर्ताबाट घुस रकम लिँदालिँदै भरतपुर महानगरपालिका–४ कटहर चोकको एक होटलबाट कोइरालालाई पक्राउ गरेको अख्तियारको हेटौंडा कार्यालयका सूचना अधिकारी गोविन्दप्रसाद गौतमले बताए