एथेन्स विमानस्थलमा विमानको आपतकालीन अवतरण, सबै यात्रु र चालक दल सकुशल

६ साउन, एथेन्स । एथेन्स अन्तर्राष्ट्रिय विमानस्थल 'एआईए'मा शुक्रबार २३३ जना सवार विमानले आपतकालीन अवतरण गरेको छ ।  स्थानीय सञ्चारमाध्यमले दिएको जानकारीअनुसार उक्त विमानमा सवार सबै यात्रु र चालक दल सकुशल छन् । 

विमान लण्डनबाट ग्रीसको क्रेट टापुको चानिया विमानस्थलका लागि प्रस्थान गरेको थियो । विमानमा हाइड्रोलिक प्रणालीमा समस्या देखिएपछि आपतकालीन अवतरण गरिएको जनाइको छ । 

यो घटना शुक्रबार विश्वव्यापीरुपमा सूचना प्रणालीमा देखिएको घटनासँग भने सम्बन्धित नभएको जनाइएको छ ।  स्थानीय अधिकारीहरूले प्राविधिक समस्याका कारण एआईएले सानातिना समस्याको सामना गर्नुपरेको बताएका छन् ।