सूचना संकलन गर्ने गुप्तचरका एसपीमाथि आर्थिक संकलन गरेको आरोप
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
साउन ७, २०८१ सोमबार ११:५१:३३
![](https://nepalbahas.prixacdn.net/media/albums/rastiya_anusandhan_news_kB6EhvJ3AD_ALTLpmsoh6.png)
७ साउन, काठमाडौं । राष्ट्रिय अनुसन्धान विभागका कर्मचारीको काम सूचना संकलन गर्ने भन्दा पनि आर्थिक संकलन गर्ने देखिएको छ । आफू गुप्तचर हुँ भन्दै धम्क्याएर आर्थिक संकलनमा लागेका कारण अहिले राष्ट्रिय अनुसन्धान विभाग नै बदनाम हुने गरेको । यही क्रममा विभागका एक प्रहरी उपरीक्षक (एसपी)ले व्यापारीसँग रकम उठाएको उजुरी हेलो सरकार र प्रधानमन्त्री कार्यालयको सचिवालयमा परेको छ ।
राष्ट्रिय अनुसन्धान कार्यालय मोरङ जिल्ला प्रमुख एवं उपअनुसन्धान निर्देशक (एसपी) तिलक प्रसाईँले व्यापारीलाई धम्काएर रकम मागेको भन्ने उजुरी परेको हो । केही साताअघि विभिन्न पीडित व्यापारीले एसपीले महिनावारी भत्ता मागेर धम्काएको भन्दै उजुरी दिएका छन् । एसपी र उनका मातहतमा रहेका प्रहरीको नम्बरबाट फोन गरेर पटक पटक रकम माग्ने गरेको उजुरीमा उल्लेख गरिएको छ । उजुरी परेपछि प्रधानमन्त्री कार्यालयले घटनाको जानकारी लिएको छ ।
उनले इन्सपेक्टर सरहका अनुसन्धान अधिकृत भोजराज निरौला र सहायक सूचक उर्फ प्रज रामवावु साहलाई घुमुवाका रुपमा खटाएको उक्त उजुरीमा उल्लेख छ । तस्करीको लाइन नेपाल प्रहरी र सशस्त्र प्रहरीका एसपी वा डीआईजीले पाए सरह बराबर नदिए उनीहरु विरुद्ध खुराफाती गर्ने बेनामी उजुरी हाल्ने पनि यिनको धन्दा रहेको बताइन्छ ।
उनले हालै केही व्यापारी र तस्करहरुलाई फोन गरी गरि आफ्नै अफिसमा बोलाएर भेटने तथा बार्गेनिङ गर्ने काम पनि जारी राखेको उजुरीमा भनिएको छ । कतिपय तस्करहरको त घर मै गएर पनि पैसा उठाउने काम भइरहेको छ । विभाग वा अन्य निकायले गोप्य रुपमा गत चैत ०८० देखि हालसम्मको राष्ट्रिय अनुसन्धान कार्यालय मोरङको सीसीटीभी फुटेज हेर्ने हो भने पनि सबै कुरा थाहा हुन्छ अर्थात को को व्यापारी र तस्कर राअको अफिसमा आए वा बोलाइयो भनेर ।
पीडित व्यवसायीहरूले राष्ट्रिय अनुसन्धान ब्यूरो, अख्तियार दुरुपयोग अनुसन्धान आयोग, गृहमन्त्रीको सचिवालयलाई समेत बोधार्थ बनाए उजुरी दिएका छन् । एसपी प्रसाईँले कपडा पसलेदेखि गाईगोरु व्यापारीलाई समेत फोन गरेर ५० हजार रूपैयाँदेखि १ लाखसम्म माग्ने गरेको उजुरीमा उल्लेख गरिएको छ ।
राष्ट्रिय अनुसन्धान विभागले देशभर आन्तरिक तथा बाह्य घटनाको जानकारी लिनको लागि कर्मचारी खटाएको छ । तराईका जिल्लामा एसपीको कमान्डमा यस्ता कर्मचारी परिचालन हुने गरेका छन् । तर यसरी देशको हितको लागि परिचालन हुने कर्मचारीले विभिन्न व्यापारी र समूहको जानकारी लिएर बार्गेनिङ र रकम लिने गरेका धेरै उदाहरणहरू छन् । एसपी प्रसाँई र उनको टोलीले पनि मोरङको भन्सार नाकामा पैसा उठाउने र ठूला व्यापारीले भने एसपीलाई नै भेटेर रकम बुझाएको उजुरीमा उल्लेख गरिएको छ। उजुरी पत्रमा व्यापारीको नाम र व्यापारसँगै नम्बर समेत राखिएको छ ।
उता इलामका तुलसीराम प्रसाई पनि छानबिनमै रहेका छन् । उनी पनि लामो समयदेखि पूर्व क्षेत्रमा बसिरहेका छन् । उनलाई त आफ्नै सूचकलाई अन्याय गरेको आरोपमा छानबिन चलिरहेको छ । लामो समयदेखि आफूलाई पायक पर्ने क्षेत्रमै क्रियाशील भएर त्यहाँका रैथाने व्यापारीहरूलाई धम्क्याउन र आर्थिक संकलन गरेको आरोप पनि उनीमाथि लाग्दै आएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपरास्वपाका सभापति रविविरुद्ध दोहोरो राहदानीको मुद्दा व्यूतिदैछ कि ?
भदौ १९, २०८१ बुधबार
३० वर्षे सेवा अवधिः प्रहरी संगठन, अदालत र मन्त्रिपरिषदसम्म माफियाको खेल
भदौ १७, २०८१ सोमबार
रास्वपाका सभापति रविविरुद्ध दोहोरो राहदानीको मुद्दा व्यूतिदैछ कि ?
नेपालबहस संवाददाता
भदौ १९, २०८१ बुधबार
अर्थ मन्त्रालयमा पठाइयो सशस्त्र प्रहरीसम्बन्धी विधेयक
भदौ २१, २०८१ शुक्रबार
पहिलो पटक नेपाल टेलिकमको नेतृत्वमा महिला, प्रबन्ध निर्देशकमा पहाडी नियुक्त
भदौ २१, २०८१ शुक्रबार
रनवेमा अपाउनु पर्ने गति र तौलको सम्भावित असन्तुलनका कारण सौर्यको जहाज दुर्घटना
भदौ २१, २०८१ शुक्रबार
आठ वर्षमा पनि सकिएन काम, एक महिनाभित्र सक्न निर्देशन
भदौ २१, २०८१ शुक्रबार
सामाजिक सञ्जालको पहुँचले नागरिकको मौलिक अधिकार सुदृढ तुल्याउँछः सञ्चारमन्त्री गुरुङ
भदौ २१, २०८१ शुक्रबार
‘पर्यटन क्षेत्रको विकासबाटै गण्डकीको समृद्धि’
भदौ २१, २०८१ शुक्रबार
धनुषामा डुबेर बेपत्ता व्यक्तिको शव फेला
भदौ २१, २०८१ शुक्रबार
जापानिज इन्सेफ्लाइटिस सङ्क्रमणको जोखिम उच्च, सतर्कता अपनाउन आग्रह
भदौ २१, २०८१ शुक्रबार
तोड्नुपर्ने ठेक्का नतोड्ने र नतोड्नुपर्ने ठेक्का तोड्ने काम नहोस् : प्रधानमन्त्री ओली
भदौ २१, २०८१ शुक्रबार