पूर्वराज्यमन्त्री रायको हत्यामा संलग्नलाई कडा कारवाही गर्न अभियानको माग

७ साउन, काठमाडौं । राष्ट्रिय एकता अभियानले पूर्वराज्यमन्त्री रामचन्द्र रायको हत्यामा संलग्नलाई शीघ्र पक्राउ गरी कडा कारवाही गर्न माग गरेको छ । सोमबार अभियानका अध्यक्ष विनय यादवले एक विज्ञप्ति जारी गरी घट्नाको निन्दा गर्दै सत्यतथ्य छानबिन गरी दोषीलाई कारवाही गर्न माग गरेको हो ।

राष्ट्रिय एकता अभियानका संरक्षकका रूपमा रहेका रायको हत्या बर्बर घटना भएको बताइएको छ ।  सर्लाहीको रतनपुरमा आइतबार राति पूर्वराज्यमन्त्री रामचन्द्र रायको घरमै हत्या भएको थियो ।  राय २०५४ सालमा सूर्यबहादुर थापाको प्रधानमन्त्री कालमा भूमिसुधार राज्यमन्त्री बनेका थिए ।