महानगरपालिका र नेपाल एम्वुलेन्स सेवाबीच सम्झौता

काठमाडौं । काठमाडौ महानगरपालिका र नेपाल एम्वुलेन्स सेवाबीच एम्बुलेन्स सेवा सञ्चालन तथा व्यवस्थापनका लागी सम्झौतापत्रमा हस्ताक्षर भएको छ ।

आइतबार काठमाडौमा आयोजित कार्यक्रमकाबीच महानगरका प्रमुख बिद्यासुन्दर शाक्य र नेपाल एम्वुलेन्स सेवाका अध्यक्ष रञ्जीत आचार्यबीच सम्झौतापत्रमा हस्ताक्षर भएको हो ।

आकस्मिक सेवामा तालिम प्राप्त दक्ष स्वास्थ्यकर्मीसहितको पूर्व प्रविधि जडान भएको एम्बुलेन्स सेवाद्धारा अत्यावश्यक स्वास्थ्य सेवा सुरु गरि उपचार गर्दे अस्पताल पुराउने उदेश्यले सम्झौता गरिएको महानगरले जनाएको छ ।

सम्झौता अनुसार महानगरले अहिले प्रति एम्वुलेन्स करिब मासिक एक लाख बीस हजार रुपैयाका दरले नेपाल एम्वुलेन्स सेवालाई दिनेछ । सम्झौतासंगै ७० बर्ष नाघेका जेष्ट नागरिक र अपाङ्गता भएका व्यक्तिहरुलाई निशुल्क एम्वुलेन्स सेवा दिनुपर्ने बताइएको छ । सम्झौताको म्याद ५ बर्षको हुने महानगरले जनाएको छ ।