रौतहट झाँझ खोलामा बेवारिसे शव फेला

८ साउन, रौतहट । रौतहटको गरुडा नगरपालिका स्थित झाँझ खोलामा बेवारिसे अवस्थामा एकजना पुरुषको शव फेला परेको छ । गरुडा ५ स्थित झाँझखोलमा नाम वतन नखुलेको अन्दाजी ५०÷५५ बर्षको पुरुषको शव फेला परेको सशस्त्र प्रहरी रौतहटका प्रमुख एसपी बिक्रम हुमागाईंले बताएका छन ।

मंगलबार बिहान ८ बजे खोलाको पानीमा उक्त शव तैरिरहेको अवस्थामा स्थानियले देखेर सुरक्षा बेश दुधियाभारमा जानकारी गराएका थिए । सुरक्षा बेश दुधियाभारका प्रमुख इन्स्पेक्टर संजित कुमारसिंहको कमाण्डमा ५ जना र ईलाका प्रहरी कार्यालय गरुडाबाट  १० जनाको संयूक्त टोलीले उक्त शवलाई बिहान खोलाबाट बाहिर निकाली घटना स्थलामा मुचुल्क उठाउने कार्य भएको छ । 

बरामद शवको हालसम्म पहिचान नखुलेको तथा पोष्टमार्टमको लागि प्रादेशिक अस्पताल गौरमा पठाइने सशस्त्र प्रहरीले जारी गरेको सूचनामा उल्लेख गरिएको छ ।