निफ्राको १० लाख कित्ता शेयर लिलामी बिक्री खुला

८ साउन, काठमाडौं । एनआईसी एसिया बैंकको स्वामित्वमा रहेको नेपाल इन्फ्रास्ट्रक्चर बैंक (निफ्रा) को संस्थापक शेयर बैंकले लिलामी बिक्री खुला गरेको छ ।

बैंकले निफ्राको १० लाख कित्ता संस्थापक शेयर लिलामी बिक्री खुला गरेको हो । यसमा लगानीकर्ताले न्यूनतम् १०१ रुपैयाँको दरले  आवेदन दिन सक्नेछन् भने न्यूनतम् ५ हजार कित्ताका लागि आवेदन दिनुपर्नेछ । यो कम्पनीको शेयर खरिदका लागि विद्यमान संस्थापक वा जो कोही व्यक्ति, कम्पनी, संघ, संस्थाहरूले आवेदन दिन सक्नेछन् ।

यसमा साउन १५ गतेसम्म बोलपत्र पेश गर्न सकिनेछ । लिलामी आवेदन एनआईसी एसिया क्यापिटल थापाथली काठमाडौं, एनआईसी एसिया बैंकको कर्पोरेट कार्यालय थापाथली र शाखा कार्यालयहरू विराटनगर, वीरजंग, पोखरा, बुटवल, धनगढी र सुर्खेतबाट पेश गर्न सकिनेछ ।