यातायात कार्यालयमा सेवाग्राहीहरुको बाक्लो भीड [ फोटो फिचर ]

८ साउन, काठमाडौं । यातायात व्यवस्था विभागको सर्भर आजबाट चल्न थालेको छ । झण्डै दुई दिन सर्भर डाउन भएपछि रोकिएको काम सुरू भए पछि यातायात कार्यालयमा सेवाग्राहीहरुको बाक्लो भीड लागेको  छ । ठूलो  भर्या‍ङ्ग यातायात कार्यालयमा बिहानैदेखि सेवाग्राहीको लाम लागेको छ ।

दुई दिनदेखि विभागको सवारी चालक अनुमतिपत्रको सेवा प्रवाहसम्बन्धी विद्युतीय प्रणालीमा समस्या आएको थियो । केन्द्रीय सर्भर डाउन भएसँगै देशभरका यातायात कार्यालयहरुको काम प्रभावित बनेको थियो । सर्भरमा समस्या आएपछि सेवाग्राही मर्कामा परेका थिए । बायोमेट्रिक दर्ता, लाइसेन्स नवीकरण, राजस्व दाखिलालगायतका काम ठप्प भएका थिए ।