महिला लघुवित्तको शेयरमा लिलामी भर्ने अन्तिम दिन कहिले ?

८ साउन, काठमाडौं । महिला लघुवित्तको एक लाख ९९ हजार ४७२ कित्ता संस्थापक शेयरमा लिलामी भर्ने आज अन्तिम रहेको छ । कम्पनीले असार १७ गतेदेखि लिलामीमा ल्याएको शेयरमा आज लिलामी भर्ने अन्तिम दिन रहेको छ । 

आज कार्यालय समयभित्रमा आवेदन दिनुपर्ने हुन्छ । यस लिलामी सेयरमा कम्पनीकै संस्थापक शेयरधनीसहित अन्य व्यक्ति, कम्पनी तथा संघसंस्थाले आवेदन दिन सक्नेछन् ।

यसमा न्यूनतम् ७०० रुपैयाँ वा सो भन्दा बढी मूल्य कबोल गरी गोप्य शिलबन्दी बोलपत्र पेश गर्नुपर्नेछ । लगानीकर्ताले न्यूनतम् १ हजार कित्तादेखि अधिकतम सबै कित्ताका लागि आवेदन दिन सक्नेछन् । आवेदकले बिक्री प्रबन्धक नेपाल एसबीआई मर्चेन्ट बैंकिङ, लेखनाथमार्ग ठमेल काठमाडौंमा पुग्ने गरी आवेदन बुझाउनुपर्नेछ ।