१९ जना बोकेर उडेको थियो सौर्य एयरको जहाज, धावनमार्ग छाड्नासाथ भुईमा बजारियो

९ साउन, काठमाडौं । त्रिभुवन अन्तर्राष्ट्रिय विमानस्थलमा सौर्य एयरलाइन्सको जहाज दुर्घटनामा परकेो छ । ९ एन–एएमई सीआरजे २०० जहाज दुर्घटनामा परेको हो । उक्त विमानमा चालक दलका सदस्यसहित १९ जना रहेको बतायएको छ ।  यो जहाजले धावनमार्ग छाड्नासाथ भुईमा बजारिएको थियो । दुर्घटनाग्रस्त जहाज पोखराका लागि उडेको थियो ।

बुधबार करिब ११ बजे सौर्यको जहाज पोखराका लागि रनवेबाट उड्ने क्रममा दुर्घटनामा परेको प्रत्यक्षदर्शीले बताए । विमानस्थलका प्रवक्ता प्रेमनाथ ठाकुरका अनुसार त्रिभुवन विमानस्थलबाट पोखरा उड्ने क्रममा सौर्यको जहाज दुर्घटनामा परेको हो । उक्त विमानमा चालक दलका सदस्यसहित १९ जना रहेको उनले बताए । विमानमा आगलागी भइ धुवाँ उडिरहेको छ । 

सुरक्षाकर्मी र विमानस्थलका अग्निनियन्त्रकहरू आगो निभाउन लागि परेका छन् । उपत्यका प्रहरी कार्यालयका प्रमुख दीपक थापाका अनुसार अहिले दुर्घटनामा परेको जहाजको उद्धार कार्य सुरु भइसकेको छ । कलसाइन अल्फा एमई रहेको जहाज दुर्घटनामा परेको जनाइएको छ ।