जहाजमा १९ जना सवार भनिएकोमा १५ जनाको मृत्य, पाइलटसहित ४ जनाको उद्धार

९ साउन, काठमाडौं ।  त्रिभुवन विमानस्थलमा नजिकै दुर्घटना भएको सौर्य एयरको जहाजबाट भुइमा छरिएका १५ वटा शव निकालिएका छन् । प्राप्त जानकारीअनुसार अग्नि नियन्त्रकहरूले कम्तीमा १५ जनाको शव निकालेका हुन् । दुर्घटनाग्रस्त सौर्य एअरलाइन्सको जहाजको आगो निभाइसकिएको छ । 

काठमाडौं उपत्यका प्रहरी कार्यलयका अनुसार  १९ जना मर्मतको लागि पोखरा जान लागेका थिए भने सबै सौर्य एयरलाइन्सका कर्मचारीहरू थिए । जहाजमा रहेका क्याप्टेनको उद्धार गरी केएमसी अस्पतालमा थप उपचार भइरहेको छ । अन्य ३ जनाको पनि उद्धार गरी अस्पताल लगिएको छ ।  बुधबार करिब ११ बजे सौर्य एयरलाइन्सको जहाज पोखरा उड्ने क्रममा रनवेबाट दुर्घटनामा परेको थियो ।

विमानस्थलका प्रवक्ता प्रेमनाथ ठाकुरका अनुसार त्रिभुवन विमानस्थलबाट पोखरा उड्ने क्रममा सौर्यको जहाज दुर्घटनामा परेको । उक्त विमानमा चालक दलका सदस्यसहित १९ जना रहेको उनले बताए । सुरक्षाकर्मी र विमानस्थलका फायरफाइटरहरुले आगो  निभाएका थिए ।