बिहीबार प्रतितोला २४ सयले घट्यो सुनको मूल्य

१० साउन, काठमाडौं । बिहीबार सुनको मूल्य प्रतितोला २४०० ले घटेको छ । बिहीबार छापावाला सुन प्रतितोला १ लाख ४५ हजारमा कारोबार भइरहेको छ । बुधबार छापावाला सुनको भाउ प्रतितोला १ लाख ४७ हजार ४०० थियो ।

नेपाल सुन चाँदी व्यवसायी महासंघका अनुसार बिहीबार प्रतितोला तेजाबी सुनको भाउ १ लाख ४४ हजार ३०० मा कारोबार भइरहेको छ । बुधबार प्रतितोला तेजाबी सुनको भाउ १ लाख ४६ हजार ७०० कारोबार भएको थियो । बिहीबार चाँदी १ हजार ७५० रुपैयाँमा कारोबार भइरहेको छ । बुधबार चाँदी १ हजार ८०५ रुपैयाँमा कारोबार भएको थियो ।

अन्तर्राष्ट्रिय बजारमा हुने कारोबारका आधारमा नेपालमा सुनचाँदीको मूल्य निर्धारण गर्ने गरिएको छ । अन्तर्राष्ट्रिय बजारमा बिहीबार सुन प्रतिऔंस सुन २ हजार ३७६ दशमलव २९ डलरमा कारोबार भइरहेको छ भने प्रतिऔंस चाँदी २७ डलर ९२ पैसामा कारोबार भइरहेको छ ।