उच्च अदालतमा फेरिए रजिस्ट्रार, फैसला कार्यान्वयन निर्देशनालयको महानिर्देशकमा सिंह

१० साउन, काठमाडौं । सर्वोच्च अदालतका सह-रजिस्ट्रारसहित उच्च अदालतका रजिस्टारहरुको सरुवा भएको छ । प्रशासकीय अदालतका रजिस्ट्रार गजेन्द्रबहादुर सिंहलाई फैसला कार्यान्वयन निर्देशनालयको महानिर्देशक बनाइएको छ । सर्वोच्च अदालत, उच्च अदालत र विभिन्न कार्यालयका प्रथम श्रेणीका अधिकृतहरूको सरुवा भएका हुन् । 

सर्वोच्च अदालतले उच्च अदालत पाटनका रजिस्ट्रार मानबहादुर कार्कीलाई सर्वोच्च अदालतमा तानेको छ । सर्वोच्चका सह रजिस्ट्रार श्रीलाल पौडेललाई उच्च अदालत पाटनको रजिस्ट्रारमा पठाइएको छ । उच्च अदालत तुलसीपुरका रजिस्ट्रार उच्च अदालत पोखरामा सरुवा भएका छन् । उच्च अदालत पोखराका रजिस्ट्रार अच्युत कुइँकेल सर्वोच्चमा तानिएका छन् ।  

रामप्रसाद भट्टराई सर्वोच्च अदालतबाट प्रशासकीय अदालत पुगेका छन् । सूर्यवंश शर्मा कँडेललाई उच्च अदालत तुलसीपुर सरुवा गरिएको छ । उनी यसअघि फैसला कार्यान्वयन निर्देशनालयमा थिए ।