कीर्तिपुर नगरपालिकाका मेयर राजकुमार नकर्मीको निधन

११ साउन, काठमाडौं । कीर्तिपुर नगरपालिकाका मेयर राजकुमार नकर्मीको निधन भएको छ । गएराति उनको निधन भएको नगरपालिकाका सूचना अधिकारी प्रकेशचन्द्र श्रेष्ठले जानकारी दिए । लामो समयदेखि मिर्गौला रोगबाट पीडित नकर्मी २ साउनमा वीर अस्पतालमा भर्ना भएका थिए । उनको उपचारको क्रममै निधन भएको हो । उनको पार्थिव शरीरलाई आज बिहान ९ बजेदेखि ११ बजेसम्म नगरपालिकामा श्रद्धाञ्जलीका लागि राखिने र त्यसपछि अन्तिम संस्कार गरिने बताइएको छ । मेयर नकर्मी नेपाली काँग्रेसको तर्फबाट विजयी भएका थिए ।