संक्रमणकालीन न्यायसम्बन्धी विधेयकमा सरोकारवाला पक्षसँग छलफल गरिने

११ साउन, काठमाडौं । संक्रमणकालीन न्यायसम्बन्धी विधेयकमा सहमति जुटाउन गठित कार्यदलले सरोकारवाला पक्षसँग छलफल गर्ने भएको छ ।

कार्यदलको शुक्रबार बसेको कार्यदलको बैठकले कानुनमन्त्री र सचिव, सत्य निरुपण तथा मेलमिलाप र बेपत्ता पारिएका व्यक्तिको छानबिन आयोगका सचिव लगायतका सरोकारवालाहरूसँग छलफल गर्ने निर्णय गरेको छ । 

उनीहरुसँग छलफल गरेपछि अन्तिम बैठक बसेर शीर्ष नेताहरूलाई प्रतिवेदन बुझाउने तयारी कार्यदलको छ । शीर्ष नेताहरुबाट पारित भएपछि संसद्को यही अधिवेशनमा विधेयक पेश गर्ने गरी अगाडि काम भइरहेको कार्यदले जनाएको छ ।