राजकुमार नकर्मीको मृत्युले पार्टीमा अपुरणीय क्षतिः कांग्रेस

११ साउन, काठमाडौं । नेपाली कांग्रेसले कीर्तिपुर नगरपालिकाका प्रमुख, कांग्रेस जिल्ला कार्यसमिति काठमाडौंका उपसभापति एवं पूर्व क्षेत्रीय सभापति राजकुमार नकर्मीको निधनले पार्टीका क्षति पुगेको जनाएको छ । एक विज्ञप्ती जारी गर्दै कांग्रेसले उनको आत्मा शान्तिको कामना गरेको छ ।  

२०२० असार २० गते जन्मिएका नकर्मीले नेपाली कांग्रेसको संगठन निर्माण र नेपालको लोकतान्त्रिक आन्दोलनहरुमा सक्रिय भूमिका निर्वाह गरेको र उनको निधनबाट कांग्रेसले एक अनुभवी नेतृत्वलाई गुमाएको जनाएको छ । कांग्रेसका सभापति शेरबहादुर देउवाले उनको निधनप्रति गहिरो दुःख व्यक्त गरेका छन् ।

पार्टी संगठन र नेपालको लोकतान्त्रिक आन्दोलनहरुमा उनले पुर्याउनु योगदानको स्मरण गर्दै सभापति देउवाले भावपूर्ण श्रद्धाञ्जली अर्पण गर्दै गहिरो समवेदना प्रकट गरेका छन् ।