प्रहरीको लेखापाल सरुवामा पनि पर्यो सरकार परिवर्तनको असर, ५ देखि १० लाखसम्म असुलेर २८९ जनाको सूची
नेपालबहस संवाददाता
साउन १२, २०८१ शनिबार १२:२२:५४
११ साउन, काठमाडौं । नेपाल प्रहरीभित्र भनसुन, हस्तक्षेप र राजनीतिक प्रभाव कति छ भन्ने कुरा लेखापाल सरुवामा पनि देखिएको छ । सरकार परिवर्तनको असरले गर्दा असार मसान्तभित्र गरिसक्नु पर्ने सरुवा झण्डै दुई सातापछि आएर गरिएको छ । प्रहरी प्रधान कार्यालयले हरेक वर्षको असार मसान्त भित्र लेखापालहरूको सरुवा गर्नुपर्ने प्रावधान छ ।
दुई वर्ष लेखापाल भएर काम गरेकाहरूको असार मसान्तमा सरुवा गर्नुपर्ने प्रावधान छ । यो पटक प्रावधान मिचेर आर्थिक वर्ष सुरु भएको दुई साता लाग्न लाग्दा लेखापालको सरुवा गरिएको छ । प्रहरीका केही अधिकारीहरू विदेश गएर आएकाले सरुवामा ढिला भएको तर्क गरिएको छ । कांग्रेस र एमालेबीच १७ असारमै नयाँ सरकार गठन गर्ने सहमति भएको थियो । १९ असारमा एमालेले प्रचण्ड सरकारलाई दिएको समर्थन फिर्ता लिएपछि लेखापाल सरुवामा असर परेको थियो ।
ठूला बजेट चलाउने कार्यालयमा जान लेखापालहरूको प्रतिस्पर्धा नै हुन्छ । यसमा आफन्त र रकम चढाएर त्यो कार्यालयमा जाने रस्साकस्सी नै चल्छ । लेखापालहरूको सरुवा प्रहरी प्रधान कार्यालयको प्रशासन विभागले गर्ने भएपनि व्यापक राजनीतिक हस्तक्षेप हुन्छ । यतिबेला प्रशासन विभागको प्रमुखमा प्रहरी अतिरिक्त महानिरीक्षक टेकप्रसाद राई छन् । उनले समयमै सरुवा गराउन सकेनन् र झण्डै दुई सातापछि धकेलियो ।
३० असारमा नयाँ सरकार बन्यो भने ३१ असारमा रमेश लेखक गृहमन्त्री बने । यसले दुई सातासम्म लेखापाल सरुवा पछि सरेको प्रहरी अधिकारीहरू बताउँछन् । अहिले आएर प्रहरी प्रधान कार्यालयले लेखापालहरूको सरुवा गरेको छ । एउटा कार्यालयमा दुई वर्ष काम गरेका र लेखापालको पदावधि साढे ५ वर्ष पुरा गरेकाहरूलाई सरुवा राखिएको बताइएको छ ।
प्रति व्यक्ति सरुवा गर्दा ५ देखि १० लाखसम्म असुलेर लेखापालहरु खटाइउको स्रोतको भनाई छ । अझ क वर्गबाट क वा ख वर्गको कार्यालयमा सरुवा गर्दा २० लाखसम्म उठाइएको बताइन्छ । खासगरी क र ख वर्गका कार्यालयमा आर्कषक बजेट हुने भएकाले यसपटकको लेखापाल सरुवामा करिब १० करोडको खेलोफड्को भएको चर्चा प्रहरी प्रधान कार्यालय मै हुने गरेको छ ।
सरुवा अनुसार प्रहरी प्रधान कार्यालय स्थित कल्याण महाशाखामा रविन ढकाल र केन्द्रीय अनुसन्धान ब्यूरोमा रवीन्द्र थापालाई पठाइएको छ । शेखरजंग मल्ललाई कोशी प्रदेश प्रहरी कार्यालयमा सरुवा गरिएको छ । इन्स्पेक्टर सविन कुमार संग्रौला राष्ट्रिय प्रहरी प्रशिक्षण प्रतिष्ठानमा र वरिष्ठ सई अजय कुमार खनाल मुस्ताङमा सरुवा भएका छन् । बाँकेमा वरिष्ठ सई कमलकान्त पुनलाई पठाइएको छ ।
विशेष ब्यूरोको लेखा प्रमुखमा इन्स्पेक्टर टिकाराम राईलाई पठाइएको छ । लुम्बिनी प्रदेश प्रहरी कार्यालयमा डेकेन्द्र शर्मा, मधेस प्रदेश प्रहरी कार्यालयमा दिनेश प्रसाद खरेल, सुदूरपश्चिम प्रदेश प्रहरी कार्यालयमा दीपेन्द्र भट्ट र अन्तर्राष्ट्रिय विमानस्थल सुरक्षा कार्यालयमा इन्स्पेक्टर दीपेश खरेल सरुवा भएका छन् ।
महाराजगन्ज स्थित प्रहरी अस्पतालमा ध्रुव बहादुर विष्टलाई सरुवा गरिएको छ । गण्डकी प्रदेश प्रहरी कार्यालयमा निशेष चापागाईँ र बागमती प्रदेशमा प्रकाश शाहलाई पठाइएको छ । उपत्यका ट्राफिक प्रहरी कार्यालयमा विजय बहादुर घले आएका छन् । अरु सबैको ठाउँ तोकेर सरुवा गरिएको छ ।
यस्तो छ सरुवाको विवरण
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपइन्सपेक्टर शाही पक्राउ प्रकरणमा किन जोडिदैछन् एसपी थापा ?
कात्तिक १, २०८१ बिहिबार
बार र बेञ्चको विवादः कात्तिक १ गते कसरी समाधान निस्कन्छ ?
असोज २४, २०८१ बिहिबार
इन्सपेक्टर शाही पक्राउ प्रकरणमा किन जोडिदैछन् एसपी थापा ?
नेपालबहस संवाददाता
कात्तिक १, २०८१ बिहिबार
भारतीय फिल्मी शैलीमा आए, गिरीमाथि आक्रमण गरे
नेपालबहस संवाददाता
असोज ३०, २०८१ बुधबार
इन्सपेक्टर शाही पक्राउ प्रकरणमा किन जोडिदैछन् एसपी थापा ?
कात्तिक १, २०८१ बिहिबार
चिन्तामा प्रधानमन्त्री ओली, तीन महिना नपुग्दै कसले चलायो दुई तिहाइको सरकार ढल्ने हल्ला ?
कात्तिक १, २०८१ बिहिबार
भ्रष्टाचारी ठहर भएकाले दिएको दान लिनु पनि भ्रष्टाचार हो भन्दै ओलीविरुद्ध अख्तियारमा पर्यो मुद्दा
कात्तिक १, २०८१ बिहिबार
महिला टी–२० विश्वकपको दोस्रो सेमिफाइनलमा वेस्ट इन्डिज र न्युजिल्याण्ड भिड्दै
कात्तिक २, २०८१ शुक्रबार
विपक्षी दलको बैठकमा प्रचण्डले भने-रविजीलाई पक्रने कुरा भएको छ, हामीले मिलेर प्रतिकार गर्नुपर्छ
कात्तिक २, २०८१ शुक्रबार
‘पुष्पा २ : द रुल’ रिलिज हुनुअघि नै उत्कृष्ट प्रि कलेक्शन
कात्तिक २, २०८१ शुक्रबार
कोलम्बियामा तस्करी रोक्न दुर्लभ भ्यागुताको कानुनी व्यापार
कात्तिक २, २०८१ शुक्रबार
सुन तोलाकै एक लाख ६४ हजार !
कात्तिक २, २०८१ शुक्रबार
आज मन्त्रिपरिषद्को बैठक, सत्यनरिुपण तथा मेलमिलाप आयोग गठनबारे निर्णय हुने
कात्तिक २, २०८१ शुक्रबार