गोरखाको धार्चेमा पहिरोमा परी ३ जना बेपत्ता

१३ साउन, पोखरा । गोरखाको धार्चे–५ मा पहिरोमा परी ३ जना बेपत्ता भएका छन् । पहिरोले घर र गोठ बगाउँदा ५ जना बेपत्ता भएकोमा २ जनाको उद्धार भइसकेको र बाँकी हराएको गोरखा  प्रहरीले जनाएको छ ।  गोरखाका प्रहरी नायव उपरीक्षक रमेशकुमार श्रेष्ठका अनुसार ३ जना अझै पहिरोमै छन् ।  स्थानीयका अनुसार आज बिहान करिब तीन बजेतिर एउटा घर र एउटा कृषि फर्मलाई पहिरोले पुरेको थियो । घटना भएको थाहा पाएपछि प्रहरी परिचालन भएको र प्रहरी पुगेपछि विस्तृत जानकारी आउने श्रेष्ठले बताए ।