शेयर बजारमा दोस्रो सर्किट, ४० मिनेटका लागि बन्द

१३ साउन, काठमाडौं । शेयरबजारमा दोस्रो पटकको सर्किट लागेको छ। नेप्से सूचक १२५ अंकले बढेर दोस्रो पटक सकारात्मक सर्किट लागेको हो। पहिलोपटक सर्किट लाग्दा २० मिनेट बन्द भएको बजार दोस्रो पटकको सर्किट पछि ४० मिनेटका लागि बन्द भएको छ।

आजको कारोबार शुरु भएको एक मिनेट ३१ सेकेन्डमा नेप्से परिसूचक चार प्रतिशतले बढेसँगै कारोबार २० मिनेटका लागि बन्द भएको  भएको थियो । कारोबार सुरु भएको केही बेरमै दोस्रो सर्किट लागेको हो । 

चालु आर्थिक वर्ष २०८१/८२ को मौद्रिक नीतिको सकारात्मक प्रभाव पुँजी बजारमा देखिएको हो । कारोबारको पहिलो चार मिनेटमा बजार ४ प्रतिशतले बढेपछि सर्किट लाग्ने गर्छ । बजार ४ प्रतिशतले बढ्दा बजार २० मिनेटका लागि स्थगन भएको थियो भने दोस्रो सर्किछ ४० मिनेट हुनेछ । 

नेप्सेका अनुसार ११ बजेर १ मिनेटमा बजार ४ प्रतिशतले बढेर सर्किट लागेको हो । २०६ कम्पनीको शेयर मूल्य बढेको छ भने १४ कम्पनीको घटेको छ । बजार १०२.६८ अंकले बढेर परिसूचक २६७०.८२ बिन्दुमा पुगेको छ ।