कामको लय सिकाउन मन्त्रीदेखि विभागीय प्रमुखसम्मलाई प्रधानमन्त्री ओलीले बोलाए सिंहदरवार

१३ साउन, काठमाडौं । प्रधानमन्त्री केपी शर्मा ओलीले आफ्नो लयमा काम गर्न सबै निकायलाई निर्देशन दिन छलफल बोलाएका छन् । सिंहदरबारमा अहिले छलफल चलिरहेको उनको सचिवालयले जानकारी दिएको छ । छलफलमा मन्त्री, मुख्यसचिव, सचिवहरु, विभागीय प्रमुख र राष्ट्रिय योजना आयोगका उपाध्यक्षसहित सहदस्यहरु उपस्थित छन् ।  

प्रधानमन्त्री ओलीले सरकार कुन रुपमा अगाडी जान खोजिरहेको छ र मन्त्री तथा सचिवहरुले कुन रुपमा काम अगाडी बढाउनु पर्नेछ भन्ने विषयमा ब्रिफिङ दिइरहेको बताइएको छ । प्रधानमन्त्री ओलीले सरकार गठन भएपछि पहिलोपटक उपप्रधानमन्त्रीद्वय प्रकाशमान सिंह र विष्णुप्रसाद पौडेलसहित सबै मन्त्री तथा सचिव र योजना आयोगका पदाधिकारीहरूलाई निर्देशन दिन लागेका हुन् ।