डीएसपी लम्साल र असई दनुवारको निलम्बन फूकुवा

१५ साउन, काठमाडौं । ललितपुरको बालकुमारीस्थित इपीएस कार्यालय अघि भएको प्रदर्शनमा बल प्रयोग गरेको भन्दै निलम्बनमा परेका नेपाल प्रहरीका डीएसपी उमेश लम्साल र प्रहरी सहायक निरीक्षक बोधराज दनुवारको निलम्बन फुकुवा भएको छ ।  

तत्कालीन सिडियो रुद्र पण्डित र एसएसपी सिद्धिविक्रम शाही जोगाएर लम्साललाई मात्र गरिएको कारवाहीमा निलम्बन फुकुवा गरिएको हो । घटनास्थलमा सुरक्षा कमाण्ड गरेका डीएसपी लम्साल र तत्कालीन भौतिक पूर्वाधार तथा यातायात मन्त्री प्रकाश ज्वालाको व्यक्तिगत सुरक्षा अधिकृत (पीएसओ) लाई २०८० पुस १४ मा प्रहरी प्रधान कार्यालयले निलम्बन गरेको थियो । उनीहरू दुवैको निलम्बन फुकुवा गरिएको प्रहरी प्रधान कार्यालयले जनाएको छ ।

कोरिया जानका लागि इपीएस भाषा परीक्षामा सहभागी हुन फारम भर्ने विषयमा प्रदर्शनको हुँदा दुई जनाको मृत्यु भएको थियो । प्रदर्शनमा प्रहरीको बल प्रयोगबाट अछामका वीरेन्द्र शाह र दैलेखका सुजन राउतले ज्यान गुमाएका हुन् ।

घटनाबारे जाँचबुझ गर्न मन्त्रिपरिषदले पूर्वन्यायाधीश शेखर पौडेल नेतृत्वको आयोग गठन गरेको थियो। तत्कालीन एसएसपी शाह र पण्डित भने यथावत काममा फिर्ता भएका थिए । तर डीएसपी र उनको कमाण्डमा रहेको टोलीलाई भने कारवाही गरिएको थियो ।