जिल्ला र उच्च अदालतमा व्यापक सरुवा गरिँदै

१५ साउन, काठमाडौं । जिल्ला र उच्च अदालतमा कार्यरत न्यायाधीशहरूको सरुवा हुन लागेको छ । सम्भवतः मंगलबार नै उनीहरुको सरुवा हुनेछ । सरुवा गर्ने न्यायाधीशहरूको लिस्टमाथि न्याय परिषद बैठकले छलफल गरिरहेको छ । स्रोतका अनुसार न्याय परिषदको बैठक चलिरहेको छ । 

प्रधानन्यायाधीश विश्वम्भरप्रसाद श्रेष्ठको अध्यक्षतामा बैठक बसिरहेको छ । बैठकले जिल्ला र उच्च अदालतका करिब तीन दर्जन न्यायाधीशको सरुवा गर्ने तयारी गरेको छ । जिल्ला र उच्च गरी ३० जनाको सूची छलफलमा छ । यसमा केही तलमाथि हुनसक्छ, स्रोतले भन्यो ।