कीर्तिपुरमा बाढीमा फसेका १५ जनाको सकुशल उद्धार

१६ साउन, काठमाडौं । काठमाडौँको कीर्तिपुर नगरपालिका–१० स्थित  सुन्दरीघाटमा रहेको राधा स्वामी एरियामा फसेका १५ जनाको उद्धार गरिएको छ । सशस्त्र प्रहरकिो १८ निलबाराही गणबाट  खटिएको सुरक्षा टोलीले बाढीमा फसेका १५ जनाको उद्धार गरेको हो । 

अविरल वर्षाको कारण बाढीमा फसेको खबर पाएपछि बिहान ५ः०० सो गण बाट फौज परिचालन गरिएको थियो । उनीहरुलाई ट्युब तथा डोरीको सहायताले उद्धार गरी  सुरक्षित स्थलमा ल्याइएको जनाइएको छ । रातीदेखि बरेको पानीले उनीहरु फसेका हुन् ।