नबिल ढुक्क बचतमा लोभ लाग्दो बीमा सुविधा, नयाँ ऋणमा पनि उत्कृष्ट अफर

३० साउन,काठमाडौं ।  बैंक तथा वित्तीय क्षेत्रमा अग्रणी रहेको नबिल बैंक ४१ वर्षमा प्रवेश गरेको छ । ४० वर्षसम्म निरन्तर भरपर्दो सेवा दिएर आएको यो बैंक ब्याजदर व्यवस्थापन, कर्जा प्रवाह र मुनाफा वितरणमा पनि अरु बैंक भन्दा अगाडि नै छ । सामाजिक उत्तरदायित्त्व बहनमा पनि यो बैंक पहिलो स्थानमा नै पर्छ । सूचनाप्रविधिको विकाससँगै डिजिटल उपकरणहरूको प्रयोगमा पनि नबिल बैंकलाई अन्य बाणिज्य बैंकहरु भन्दा उत्कृष्ट मानिन्छ । 

सन् १९८४ को जुलाई १२ देखि नेपाल अरब बैंकका रुपमा अहिलेको नबिलले बैंकिङ कारोबार श्ररू गरेको थियो ।  स्थापनाकालदेखि नै प्रविधिको प्रयोगमा जोड दिएको बैंकले पछिल्लो समय ग्राहकलाई दिनुपर्ने प्रायः सेवाहरुलाई डिजिटल प्रविधिमा रुपान्तरण गरिसकेको छ । समय समयमा बैंकले ग्राहकहरूमा दिने सेवामा सहुलियत एवं छुट सुविधा पनि दिँदै आइरहेको छ । अहिलेसम्म निजी क्षेत्रको नजरमा पनि यो बैंक अरुभन्दा अगाडि नै छ । व्यावसायिक, व्यक्तिगत, शैक्षिक क्षेत्रमा यो बैंकको कारोबार उत्कृष्ट ठहरिएको छ । 

समग्र वित्तीय कारोबारमा नबिल बैंक उत्कृष्ट रहेको मात्र हैन । यसले समय समयमा आफ्ना ग्राहकहरूलाई दिने सेवा, सुविधा र आकर्षक छुटहरु पनि चर्चा योग्य छन् । यस मध्ये नबिल बैंकले ४० वर्ष पुरा गरेको अवसर पारेर ४० दिनसम्म दिएको अफर भने लोभलाग्दो छ । त्यसमा पनि यी अफरहरू नयाँ ग्राहकसँग बढी सम्बन्धित छन् । ४० वर्ष पुरा गरेर ४१ वर्षमा बैंक प्रवेश गरेको दिनदेखि ४० दिनभित्र नयाँ खाता खोलेर बैंकिङ कारोबार गर्नेहरूले मात्र विभिन्न वित्तीय सेवाहरुमा छुट पाइने बैंकले जनाएको छ ।

कस्तो छ ४० दिनको अफर ? 

नबिल बैंकका अनुसार अफर सुरु भएको ४० दिनभित्र नयाँ खाता खोलेर कारोबार सुरु गर्ने ग्राहकहरूमा बैंकले दिने छुटहरु केन्द्रित गरिएका छन् । बैंकमा खाता भएका तर, पहिले कुनै पनि शीर्षकमा कर्जा नलिएका ग्राहकहरूले पनि नयाँ ऋणका लागि निवेदन दिएर सुविधा लिन सकिन्छ । 

बैंकमा खाता खोल्न आउने नयाँ ग्राहकका लागि बैंकले कर्जामा ०.२५ प्रतिशत सेवा शुल्कमा छुट दिएको छ । यस्तै विभिन्न कार्डहरू, एटीएम कार्ड, बैंक लकर आदि सबैमा ५० प्रतिशत छुट दिइएको छ । ४० दिनभित्र खाता खोलेर मोबाइल बैंकिङ सुरु गर्ने ग्राहकलाई २ वर्षसम्म चार्ज फ्री हुने बैंकले जनाएको छ । यो ४० औं वार्षिक उत्सवमा ग्राहकलाई ४० दिनसम्म खाता खोल्दा पाउने सुविधादेखि बैंकबाट ऋण लिँदा पाउने सुविधासम्मका अफर राखिएका छन् । 

बैंकिङ सेवाका विभिन्न आयामहरूमा ४० दिनको अफर दिएको हो । खास गरी बैंकले नयाँ ग्राहकहरूमा यो अफर राखेको हो । जुलाई १२/२०२४ देखि अगस्त २०/२०२४ सम्म नयाँ खाता खोल्दा एटीएम शुल्क, क्रेडिट कार्ड, लकर चार्ज, एन बैंक तथा एनबैंक एपको शुल्कमा ५० प्रतिशत छुट पाउनेछन् । साना तथा मझौला उद्यममा एक करोडसम्मको कर्जा आधार दरमा एक प्रतिशत प्रिमियममा दिने र कृषि तथा उत्पादनमूलक उद्योगमा पाँच करोडसम्मको कर्जा आधारमा दरमा १.५ प्रतिशत प्रिमियममा उपलब्ध गराउने बैंकले जनाएको छ । 

नयाँ ऋणमा अफर

नयाँ खाता खोलेर ऋण लिन चाहने ग्राहकका लागि पनि उत्कृष्ट अफर राखिएको छ । व्यक्तिगत वा संस्थागत दुवै ऋणमा तोकिएका सेवासुविधाहरु पाउन सकिन्छ । व्यापारिक ऋणमा पनि विशेष छुट दिइएको छ । एक करोडभन्दा तलको कर्जामा बेसरेटमा एक प्रतिशत दिइएको छ । बैंकको अहिले सामान्यतया बेसरेट ७.६३ प्रतिशत रहेको छ । बेसरेटमा १ प्रतिशत मात्र प्रिमियम थपेर दिएको यो दर ज्यादै न्यून र राम्रो दर हो । यसमा १ प्रतिशत भनेको ८.६३ प्रतिशतमै ऋण पाउन सकिने हुन्छ ।  

अर्को १ करोड भन्दामाथि र ५ करोडभन्दा तलको मेनिफक्चरिङ कर्जामा १.५ प्रतिशत मात्रै प्रिमियम थपेर कर्जा दिने व्यवस्था गरिएको छ । यसको सर्भिस चार्जमा पनि अरु बेला ७५ पैसा लाग्छ भने यो वार्षिक उत्सवको समय वा ४० दिनभित्र गरेमा ५० पैसा मात्रै लाग्नेछ । यो पनि एकदमै सुविधायुक्त भएको बैंकले जनाएको छ । यस्तै व्यक्तिगत कर्जा अन्तर्गत बैंकले ढुक्क घर कर्जा भन्नेमा पनि विशेष छुटको व्यवस्था गरेको छ । यस कर्जा अन्तर्गत घर मात्र खरिद गर्न, घरसहितको जग्गा खरिद गर्न वा एपार्टमेन्ट खरिद सकिन्छ ।

यो कर्जामा ७ वर्ष सम्मका लागि ८.४ प्रतिशत ब्याजदरमा कर्जा दिइन्छ । यसमा ७ वर्षसम्म बैंकले व्याजदर छुट दिएको छ । यो कर्जालाई १० वर्ष सम्म लाने हो भने ९.४ प्रतिशत ब्याज तिनुपर्ने हुन्छ । यो ४० दिनसम्मका लागि मात्र हो भने पुराना ग्राहकको हकमा यो व्यवस्था लागु नहुने बैंकले जनाएको छ । पहिलेदेखि नबिल बैंकमा कारोबार गरिरहेका तर, कुनै कर्जा नलिएर यो अफर सुरु भएपछि कर्जा लिने, बैंकमा खाता खोलेर कारोबार सुरु गर्ने ग्राहकहरूको लागि मात्र हो । अर्थात् पुरानो ग्राहक छ र नयाँ कर्जा लिँदैछ भने पनि उसले पाउँछ । 

नबिल ढुक्क बचत खाता

बैंकले अहिले आफ्ना ग्राहकहरूका लागि प्राथमिकतामा राखेर सुरु गरेको खाता भनेकै ‘नबिल ढुक्क बचत खाता हो । यसलाई अरुभन्दा एक उत्कृष्ट बचत खाता मानिएको छ । यसमा अरु बचत खाताभन्दा ब्याजदर पनि उच्च दिइएको छ । जति घटेपनि अरू खाताभन्दा माथि नै हुन्छ । यो खाता खोल्ने ग्राहकहरूलाई बैंकले धेरै प्रकारका सुविधा पनि दिएको छ । जस अनुसार मेडिकल इन्स्योरेन्स सुविधा (औषधि उपचार बीमा) पनि एक हो । 

यो बैंकमा नबिल ढुक्क बचत खाता खोलिसके पछि त्यो ग्राहकलाई भोलि गएर कुनै रोग लाग्यो भने त्यो अवस्थामा सुविधा पाइन्छ । एकचोटी खाता खोलेपछि त्यसपछिका वर्षहरूमा यो सुविधा पाइन्छ । नबिल ढुक्क बचत खाता खोल्नेले मात्र यो सुविधा पाउनेछन् । यही खातामा १० लाख दुर्घटना बीमा पनि समावेश गरिएको छ । 

खाता खोल्नेले भोलि काम गर्दै गएको अवस्थामा कुनै कारणले दुर्घटना भएमा यो बीमा सुविधा पाइन्छ । यसमा १० लाख सम्मको इन्स्योरेन्स दिइएको छ । त्यस्तै यो खाता खोलेपछि घातक रोगको बीमा (इन्स्योरेन्स) पनि पाइन्छ । घातक रोगको सन्दर्भमा भने ३ लाखसम्मको बीमा व्यवस्था गरिएको छ ।  यसमा पनि आवधिक जीवन बीमा अन्तर्गत मृत्यु भएका थप ७५ हजार पाइनेछ । नबिल ढुक्क बचत खाताको न्युनतम मोजजात १० लाख रहेको छ । यो खाता खोल्ने ग्राहकले बीमा सुविधा पाउने हो । यो १ लाखको ब्याज पनि अरूको भन्दा धेरै पाइन्छ ।    

अर्को नबिल बैंकबाट लिएको एटीएम अरु बैंकहरुमा लगेर पैसा निकाल्दा पनि पैसा नलाग्ने बनाइएको छ । बैंकले ४० वर्ष पुगेको अवसरमा ४० दिनसम्म दिगो विकाससम्बन्धी जनचेतना जगाउने उद्देश्यले विभिन्न कार्यक्रम आयोजना गर्ने, साइकलिङ, प्रभातफेरी, ‘चार दशक नेपालको’ यात्रा झल्काउने तस्बिर प्रदर्शनीलगायतका कार्यक्रम तय गरेको छ । दिगो विकासका लक्ष्य पूरा गर्न नेपालका हकमा २३ अर्ब डलर आवश्यक छ । यी सामाजिक उत्तरदायित्त्व अन्तर्गतका काम पनि नबिल बैंकले गर्दै आएको छ । 

नबिलका देशभर २६८ शाखा सञ्जालमा छन् । २२ वटा एक्स्टेन्सन काउन्टर र ३१६ एटीएम मेसिनबाट सेवा प्रदान गर्दै आएको छ । नबिल बैंकले २४ लाखभन्दा बढी ग्राहकलाई प्रत्यक्ष बैंकिङ सेवा प्रदान गर्दै आइरहेको छ । नबिल ढुक्क घर कर्जा योजना पनि सुरु गरिएको छ । बैंकले यस योजना सात वर्षे अवधिको कर्जाको ब्याजदर ८.४ प्रतिशत र १० वर्ष अवधिको कर्जाको ९.४ प्रतिशत निर्धारण गरेको छ ।