‘पूर्वमन्त्री रायको हत्याबाट हिन्दुवादीका असल अभिभावक गुमेको छ’
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
साउन १६, २०८१ बुधबार २०:४३:९
![](https://nepalbahas.prixacdn.net/media/albums/ramchandra_raya1_k1NslnfGsq_VPRaThFcba.jpg)
१६ साउन, काठमाडौं । केही दिनअघि सर्लाहीमा हत्या गरिएका पूर्वमन्त्री रामचन्द्र रायको ११ औँ तिथिको अवसर पारेर काठमाडौँमा आज श्रद्धाञ्जलिसभा सम्पन्न भएको छ । हिन्दु गणतन्त्रवादी नेता विनय यादव नेतृत्वको राष्ट्रिय एकता अभियानले राष्ट्रिय प्रजातन्त्र पार्टीका केन्द्रीय सदस्यसमेत रहेका हिन्दुवादी नेता रायको श्रद्धाञ्जलिसभा आयोजना गरेको हो । सभामा राप्रपाका पूर्वअध्यक्ष पशुपतिशमशेर राणाले मन्त्री राय सर्लाहीका मात्र नभई देशकै नेता रहेको बताउँदै उनको सरल, शान्त र इमानदार व्यक्तित्वका विभिन्न आयामबारे चर्चा गरे ।
राणाले नेता रायमा देशप्रति अगाध प्रेम रहेको र उनी राष्ट्रवादी चिन्तन पर्याय भएको भन्दै उनको हत्याबाट देशले एक असल व्यक्तित्व गुमाएको बताए । रायको हत्या रहस्मयी भएको उल्लेख गर्दै उनको हत्याका बारेमा सुक्ष्म तथा वस्तुपरक छानबिन गर्न उच्चस्तरीय समिति बन्नुपर्ने औंल्याए । राप्रपाका नेता एवम् पूर्वमन्त्री डा.प्रकाशचन्द्र लोहनीले दिवंगत रायसँगको चार दशकको राजनीतिक यात्रा सम्झँदै मुलुक र जनताका पक्षमा उनले गरेका योगदानका बारेमा बेलिबिस्तार लगाए ।
उनले भने, ‘जनताका हितमा कार्य गर्न सदैव तत्पर रहने उहाँको हत्या स्तब्धकारी र निन्दनीय छ । हत्याबारे सत्यतथ्य बाहिर ल्याएर दोषीलाई कडाभन्दा कडा कारबाही गर्न ठोस पहल हुनुपर्छ ।’ जनमत पार्टीका प्रवक्ता डा.शरदसिहं यादवले स्व। राय असल राजनीतिकर्मी भएको बताउँदै उनको हत्याको छानबिनका लागि राज्यलाई थप गम्भीर बन्नुपर्ने बताए । उनले भने, ‘पूर्वमन्त्री रायको हत्याबारे फराकिलो दायरामा छानबिन गर्न जनमत पार्टी माग गर्दछ । ’
कार्यक्रममा नेपाली जनता दलका नेता अध्यक्ष हरिचरण साहले नेता रायका प्रभावबारे आफूले बाल्यकालमै थाहा पाएको भन्दै सर्लाहीबाट राष्ट्रिय राजनीतिमा स्थापित हुनेमा उनी सधैँ अग्रपंक्तिमा रहँदै आएको बताए । अभियानका अध्यक्ष यादवले मधेश आन्दोलनका बेला नेता रायकै नेतृत्वमा मधेशका माग र मुद्दाबारे सरकारलाई बुझाइएको र त्यसपछि मात्र आन्दोलनबाट उठेका आवाज सम्बोधन गर्ने वातावरण बनेको स्मरण गर्दै तत्कालीन तमलोपा पार्टी स्थापित गर्न उनको भूमिका अतुल्य रहेको बताए ।
अभियानका संरक्षक समेत रहेका रायको हत्याले हिन्दुवादी आन्दोलनको एउटा असल अभिभावक गुमेको अध्यक्ष यादवले उल्लेख गरे । जसपाका नेता तथा मधेश प्रदेशसभाका पूर्वसदस्य अशोक यादव, अभियानका वरिष्ठ नेता बिपी यादव, यादव सेवा समितिका अध्यक्ष भुवनेश्वर यादव, पत्रकार मनोज यादवलगायतका व्यक्तिहरूले पूर्वमन्त्री यादवको हत्या देश र समाजका लागि अपूरणीय क्षति भएको बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्तारूढ दलका शीर्ष नेताहरुबीच बालुवाटारमा छलफल, सरकारका काम कारबाहीबारे समीक्षा
भदौ २३, २०८१ आइतबार
सामान्य प्रशासनमन्त्री राजकुमार गुप्ता मधेश प्रदेशमा सम्मानित
भदौ २३, २०८१ आइतबार
आतंकवादी समूहसँग नेपाल प्रहरीका डीएसपी कसरी जोडिए ?
नेपालबहस संवाददाता
भदौ २२, २०८१ शनिबार
नेपाल प्रहरी र सशस्त्र प्रहरी जवानको पेन्सन अवधि १६ प्रस्ताव
नेपालबहस संवाददाता
भदौ २२, २०८१ शनिबार
अर्थ मन्त्रालयमा पठाइयो सशस्त्र प्रहरीसम्बन्धी विधेयक
नेपालबहस संवाददाता
भदौ २१, २०८१ शुक्रबार
कारागार पठाइए लुम्बिनीका सांसद धनबहादुर केसी
भदौ २३, २०८१ आइतबार
एक करोडमाथिको चेक अनादर प्रमाणित भए ५ प्रतिशत जरिवानासहित दुई वर्षको कैद सजाय
भदौ २३, २०८१ आइतबार
मुस्लिम समुदायका जुम्ल्याहा छोराले पाउँदैछन् एमबीबीएसको छात्रवृत्ति
भदौ २३, २०८१ आइतबार
हिउँ चितुवा र याक संरक्षणका लागि मनाङमा मैत्रीपूर्ण फुटबल खेल हुने
भदौ २३, २०८१ आइतबार
श्री एयरले काठमाडौं–पोखरा उडानमा एउटा टिकट खरिद गर्नेलाई अर्को सित्तैमा दिने
भदौ २३, २०८१ आइतबार
नेपाल टेलिकमको प्रबन्ध निर्देशकमा अर्याल नियुक्त
भदौ २३, २०८१ आइतबार
ट्याक्टरले ठक्कर दिँदा बालिकाको मृत्यु
भदौ २३, २०८१ आइतबार
सत्तारूढ दलका शीर्ष नेताहरुबीच बालुवाटारमा छलफल, सरकारका काम कारबाहीबारे समीक्षा
भदौ २३, २०८१ आइतबार