पश्चिमसँग रुसको कैदी सम्झौता अन्तर्गत २६ जना रिहा
नेपालबहस संवाददाता
साउन १७, २०८१ बिहिबार २१:४२:४३
१७ साउन, काठमाडौं । रुस र छ पश्चिमी मुलुकहरू बीचको अदलाबदलीमा अङ्कारामा बिहीबार २६ जना कैदीलाई रिहा गरिएको टर्कीले घोषणा गरेको छ । रिहा हुनेमा अमेरिकी संवाददाता इभान गेर्शकोविच र अमेरिकी पूर्वमरिन पाउल ह्वेलन संलग्न छन् ।
रुसले हिरासतमा लिएका १६ पश्चिमी नागरिकको बदलामा दुई नाबालिगसहित १० रुसी नागरिकलाई सुम्पिएको टर्कीका राष्ट्रपतिले जारी गरेको विज्ञप्तिमा उल्लेख छ । विज्ञप्तिमा एमआइटी राष्ट्रिय गुप्तचर सेवाद्वारा आयोजित ‘ऐतिहासिक कैदी आदानप्रदान अभियान’ को प्रशंसा गरिएको छ ।
वाल स्ट्रिट जर्नलका पत्रकार गेर्शकोविचलाई जासुसी गरेको आरोपमा रुसी अदालतले १६ वर्षको काराबास सजाय सुनाएको केही सातापछि रिहा गरिएको थियो ।
गेर्शकोविच र ह्वेलनका साथै बेलारुसमा कैदमा परेका जर्मन नागरिक रिको क्राइगर, रुसी असन्तुष्ट इल्या याशिन र एक चेचेन पृथकतावादीको हत्या गरेको आरोपमा जर्मनीमा थुनिएका रुसी गुप्तचर कर्णेल वादिम क्रासिकोभ उक्त अदलाबदलीको हिस्सा रहेको विज्ञप्तिमा जनाइएको छ ।
रुसले मुक्त गरेका बन्दीहरूमा १३ जना जर्मनी र तीन जना संयुक्त राज्य अमेरिका गएका छन् । विज्ञप्तिमा संयुक्त राज्य अमेरिका, जर्मनी, पोल्यान्ड, स्लोभेनिया, नर्वे, बेलारुस र रुसबाट कैदीहरूलाई अङ्कारा पठाइएको उल्लेख छ ।
“कैदी विनिमय अभियानअन्तर्गत कैदीहरूलाई संयुक्त राज्य अमेरिकाका दुई र जर्मनी, पोल्यान्ड, स्लोभेनिया, नर्वे र रुसका एक–एक विमान गरी कूल सात विमानमार्फत टर्की लगिएको थियो”, विज्ञप्तिमा भनिएको छ ।
टर्कीले ‘हालैका वर्षहरूमा संयुक्त राज्य अमेरिका, रुस र जर्मनीबीच सबैभन्दा व्यापक कैदी आदानप्रदान भएको’ बताएको छ । “यो ऐतिहासिक अपरेसनका लागि वार्ताको च्यानलहरू एमआइटीले गरेको थियो र जुलाईमा विभिन्न पक्षहरूलाई टर्कीमा सँगै ल्याइएको थियो”, विज्ञप्तिमा उल्लेख छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपभेनेजुएलाका विपक्षी नेता गोन्जालेजले देश छोडेर स्पेनको शरणमा
भदौ २४, २०८१ सोमबार
भारतमा पनि एमपक्सको शंकास्पद घटना, विरामीलाई आइसोलेट गरियो
भदौ २३, २०८१ आइतबार
बाइडेनले आफ्नो ४ वर्षे कार्यकालमा ५३२ दिन लिए बिदा
भदौ २३, २०८१ आइतबार
आतंकवादी समूहसँग नेपाल प्रहरीका डीएसपी कसरी जोडिए ?
नेपालबहस संवाददाता
भदौ २२, २०८१ शनिबार
नेपाल प्रहरी र सशस्त्र प्रहरी जवानको पेन्सन अवधि १६ प्रस्ताव
नेपालबहस संवाददाता
भदौ २२, २०८१ शनिबार
अर्थ मन्त्रालयमा पठाइयो सशस्त्र प्रहरीसम्बन्धी विधेयक
नेपालबहस संवाददाता
भदौ २१, २०८१ शुक्रबार
कारागार पठाइए लुम्बिनीका सांसद धनबहादुर केसी
भदौ २३, २०८१ आइतबार
मुस्लिम समुदायका जुम्ल्याहा छोराले पाउँदैछन् एमबीबीएसको छात्रवृत्ति
भदौ २३, २०८१ आइतबार
खोलाले मोटरसाइकल बगाउँदा दुई जनाको मृत्यु
भदौ २४, २०८१ सोमबार
मार्फामा निर्माणाधीन स्याउ आकृतिको पार्क
भदौ २४, २०८१ सोमबार
क्यानडामा हुने त्रिकोणात्मक ओडिआई सिरिज खेलको तालिका सार्वजनिक
भदौ २४, २०८१ सोमबार
नेपालमा पनि भित्रियो विश्व प्रसिद्ध ‘कम्ब्याट तेक्वान्दो’
भदौ २४, २०८१ सोमबार
किवी खेती फस्टाए पनि किसानलाई बजारको समस्या
भदौ २४, २०८१ सोमबार
राष्ट्रपतिद्वारा नवनियुक्त प्रधानसेनापतिलाई महारथीको दर्ज्यानी चिह्न प्रदान
भदौ २४, २०८१ सोमबार