सुदूरपश्चिमका मुख्यमन्त्री सोडारीले आज विश्वासको मत लिँदै

१८ साउन, काठमाडौं । सुदूरपश्चिम प्रदेशका मुख्यमन्त्री दीर्घबहादुर सोडारीले आज विश्वासको मत लिँदै छन्।  उनले आज अपरान्ह ४ बजे विश्वासको मत लिने कार्यसूची तय भएको छ ।  सत्तासमीकरण फेरिएसँगै नेकपा एमाले गएको असार २० गते सरकारबाट बाहिरिएको थियो ।

त्यसपछि एकीकृत समाजवादी पार्टीका नेता समेत रहेका मुख्यमन्त्री सोडारी अल्पमतमा परेका हुन् । तीस दिनभित्र विश्वासको मत लिइसक्नुपर्ने संवैधानिक व्यवस्थाअनुसार मुख्यमन्त्रीले विश्वासको मत लिन लागेका हुन् । सोडारी एमालेका ११, माओवादीका सभामुखबाहेक १०, नागरिक उन्मुक्ति पार्टीका २, समाजवादीका ४ र स्वतन्त्र १ गरी २८ जनाको समर्थनमा वैशाख ६ गते मुख्यमन्त्रीमा नियुक्त भएका थिए।