कर्णालीमा कांग्रेसका चार मन्त्री, २ बजे शपथ ग्रहण

१८ साउन, सुर्खेत । कर्णाली प्रदेशमा नेपाली कांग्रेसका चार जना मन्त्री बन्ने भएका छन् । आज शुक्रबार दिउँसो २ बजे उनीहरुलाई शपथ ग्रहण गराउने कार्यक्रम तया भएको छ । कांग्रेसबाट राजीवविक्रम शाह, सुरेश अधिकारी, घनश्याम भण्डारी र विजया बुढा मन्त्री बनेका छन् ।
 
कांग्रेस कर्णाली प्रदेशका प्रवक्ता दमन शाहीकाअनुसार शाहले अर्थ मन्त्रालयको जिम्मेवारी पाएका छन् भने घनश्याम भण्डारीलाई सामाजिक विकास मन्त्रालयको जिम्मेवारी दिइएको छ । विजया बुढालाई जलस्रोत तथा ऊर्जा मन्त्रालय र सुरेश अधिकारीलाई उद्योग, पर्यटन, वन तथा वातावरण मन्त्रालय दिइएको छ ।

मुख्यमन्त्री यामलाल कँडेलले प्रदेश प्रमुखलाई सिफारिस गरी आज दिउँसो २ बजेसम्म शपथ ग्रहण कार्यक्रम राखिएको छ । कांग्रेसबाट मन्त्री भएकामध्ये तीन जना संस्थापन पक्षधर हुन् भने सुरेश अधिकारी शेखर कोइराला पक्षधर हुन् ।