प्रधानमन्त्री ओलीले तीन राज्यमन्त्रीलाई गराए शपथ

१८ साउन, काठमाडौं । प्रधानमन्त्री केपी शर्मा ओलीले शुक्रबार नवनियुक्त तीन जना राज्यमन्त्रीलाई पद तथा गोपनीयताको शपथ ग्रहण गराएका छन् । प्रधानमन्त्री तथा मन्त्रिपरिषद्को कार्यालय सिंहदरबारमा आयोजित समारोहमा प्रधानमन्त्रीले हिजो नियुक्त भएका तीन राज्यमन्त्रीलाई सपथ गराएका हुन् । 

सपथ लिनेमा संस्कृति, पर्यटन तथा नागरिक उड्डयन राज्यमन्त्री अरुणकुमार चौधरी, वन तथा वातावरण राज्यमन्त्री रुपा बिक र ऊर्जा, जलस्रोत र सिँचाई राज्यमन्त्री पूर्णवबहादुर तामाङ छन् । शपथ कार्यक्रममा उपप्रधानमन्त्रीहरु, मन्त्रीगण, मुख्यसचिव, उच्चपदस्थ अधिकारी सहभागी थिए । अब प्रधानमन्ी ओली नेतृत्वको मन्त्रिपरिषद २५ सदस्यीय भएको छ ।